سەرۆکێ ئوکراینایێ ڤلادیمێر زێلینسکی راگھاند: “ئەم ل سەر ئاخا خوە شەر دکن و ئەم ئێریشی مۆسکۆیێ ناکن.”
ڤلادیمێر زێلنسکی دەربارێ ئێریشا ئیرۆ یا سەر کۆشکا سەرۆکاتیا رووسیایێ (کرملین) راگھاند، وان ئێریشی سەرۆکێ رووسیایێ ڤلادیمێر پوتین نەکریە.
زێلینسکی دیار کر: “رووسیایێ ل قادا شەر چ سەرکەفتنەک ب دەست نەخستیە.”
ئیرۆ چارشەمبێ 3ێ نیسانا 2023، کۆشکا سەرۆکاتیا رووسیایێ (کرملین) د داخویانیەکێ دە ئەشکەرە کر، ب درۆنان ئێریشی کرملینێ ھاتیە کرن و ئارمانجا ئێریشێ کوشتنا ڤلادیمێر پوتین بوویە.
ل گۆر راگھاندنێ، “ئێریشەکە تەرۆریستی بوویە و ژ ئالیێ ئوکراینایێ ڤە ھاتیە ئەنجامدان، لێ بەلێ چ زیانەک ل سەرۆکێ رووسیایێ نەکەتیە و ب سلامەتە”.
د داخویانیێ دە ھاتیە دەستنیشانکرن، “د دەمەک گونجاو دە، ئەم دێ بەرسڤا وێ ئێریشا تەرۆریستی بدن”.
