وەزارەتا تەندورستیێ یا فلستینێ راگھاند، د ئێریشێن ئاسمانی یێن ئیسرایلێ یێن ل سەر ھەرێما غەزەیێ دە 12 کەسان جانێ خوە ژدەست دان.
وەزارەتا تەندورستیێ یا فلستینێ دیار کر، ئارتێشا ئیسرایلێ ژ دەرەنگیا شەڤێ ھەتا سەرێ سبێ ھەرێما غەزەیێ بۆمبەباران کر و د ئەنجامێ دە 12 کەسان جانێ خوە ژدەست دان و 20 کەس ژی بریندار بوون.
ژ ئالیەکی دن ڤە، ئارتێشا ئیسرایلێ د داخویانیەکێ دە راگھاند، 40 فرۆکەیێن شەری چەپەرێن سەرایا قودسێ، باسکێ لەشکەری یێ تەڤگەرا جیھادا ئیسلامی بۆمبەباران کرن و د ئەنجامێ دە 3 سەرکردەیێن پلەبلند یێن لەشکەری ھاتن کوشتن.
ئارتێشا ئیسرایلی دا زانین کو بۆمبابارانکرنا وان دێ بەردەوام بیت ھەتا کو ھەموو ئارمانج تێن بدەستخستن.
ل ھەمبەر ئێریشێن ئیسرایلێ، وەزارەتا دەرڤە یا فلستینێ بانگ ل جڤاکا ناڤدەولەتی کر کو بکەڤن رێزێ و ئێریشێن ئیسرایلێ ب پێشھاتەکە مەترسیدار ژ بۆ رەوشا ھەرێمێ بناڤ کر.