دەنگدانا ژ بۆ ھلبژارتنێن ترکیێ ل 73 وەلاتان ئیرۆ داوی دبە و ملیۆنەک و 751 ھەزار کەس چوونە سەر سندۆقان و دەنگێن خوە دانە.
پێڤاژۆیا دەنگدانێ یا دەرڤەیی ترکیێ کو د 27ێ نیسانێ دە دەست پێ کربوو. دەنگدان ل 73 وەلاتان ئیرۆ بداوی دبە و دەنگدانا ل دەریێن سینۆری ھەتا 14ێ گولانێ دێ بەردەوام بە.
ل گۆر ئامارێن کۆمیسیۆنا بلندا ھلبژارتنێ ژ سێ ملیۆن و 416 ھەزار دەنگدەران، ھەتا نھا ملیۆنەک و 751 ھەزار کەسان دەنگ دانە. دەنگ ژی ژ گەلەک بنگەھێن دەنگدانێ، د ناڤا تەلیسێن دیپلۆماتیک دە بۆ ترکیەیێ تێنە شاندن.
بریارە وەلاتیێن ترکیێ د 14ێ گولانێ دە بچن سەر سندۆقان دا کو سەرۆککۆمار و پارلامەنتەرێن خوە ھلبژێرن. وەلاتیێن ترکیێ یێن ل دەرڤە ژی ل 73 وەلاتان و 156 نوونەراتیێن ترکیەیێ دەنگێ خوە ددن و ئیرۆ ئەڤ پرۆسە بداوی دبە.
ل دەرڤەیی ترکیێ 3 ملیۆن و 416 ھەزار و 98 دەنگدەر ھەنە و ھەژمارا کەسێن کو دێ جارا یەکەمین دەنگی بدن ژی 277 ھەزار و 646 کەسن.
