دو گه‌ریلایێن به‌ری ساله‌كێ ل مه‌تینی هاتینه‌ كوشتن، ئه‌شكه‌ره‌ بوون

رێخستنا په‌كه‌كێ ناسنامه‌یا دو چه‌كدارێن خوه‌ ئه‌شكه‌ره‌ كر كو ساله‌كێ به‌رێ ل چیایێ مه‌تینایێ كه‌تبوون به‌ر ئێریشێن بالافرێن شه‌ر و ژ نوو ڤه‌ مرنا وان ئیفشا كر.

هه‌په‌گێ باسكێ له‌شكه‌ری یێ په‌كه‌كێ دوهـ رۆژا یه‌كشه‌می 21/5/2023 ناسنامه‌یا دو چه‌كداران ئه‌شكه‌ره‌ كر كو ل 10 كانوونا 2022 ل چیایێ مه‌تینایێ كه‌تبوون به‌ر ئێریشێن بالافرێن ده‌وله‌تا ترك و ژ نوو ڤه‌ مرنا وان ئیفشا كر.

هه‌په‌گێ ده‌ربارێ ڤان چه‌كدارێن خوه‌ یێن ب ناڤێن سه‌ردار سومبول ژ ئه‌رزه‌روومێ و زیره‌ك لوقمان ژ دۆزخوورماتوو یا ل باشوورێ كوردستانێ، گۆتیه‌ ئه‌وا ب روحێ فه‌دایی یێ ئاپۆ شه‌ر كرن، ئه‌و مرن، ئه‌و لاییقی ئاپۆ ده‌ركه‌تن.

ب هه‌زاران زارۆكێن كوردان یێن كو ژ سالا 2016ێ ڤه‌ د ناڤا په‌كه‌كێ ده‌ هاتنه‌ كوشتن و مرنا وان نه‌هاتیه‌ راگهاندن مانه‌، په‌كه‌كه‌ هه‌ر رۆژ وێنه‌یێن كۆمێن وان ل مه‌دیایا خوه‌ پارڤه‌دكه‌ و ل سه‌ر د نڤیسینه‌ مه‌ هه‌ڤالێن خوه‌ فه‌دایێن ئاپۆ وه‌ندا كرن.