پەیوەندیێن سێکسی یێن د نێڤبەرا کادرۆیێن پەکەکێ ل رۆژئاڤا کوردستانێ بێ ناڤبەر بەردەوام دکن، هەری داوی ژی پەیوەندیێن د نێڤبەرا بەرپرسا ئیستخباراتا ژنان ل رێڤەبەرییا خوەسەرا رۆژئاڤا ب کادرۆیەکی پەکەکێ رە ئەشکەرە بوو.
چاڤکانیێن پێگەها «دارکا مازی» ل رۆژئاڤا کوردستانێ ئەشکەرە کرن، «نووژین دێرکا» بەرپرسا ئیستیخباراتا ژنان ل رێڤەبەرییا خوەسەرا رۆژئاڤا کوردستانێ پەیوەندیێن سێکسی لگەل کادرۆیەکی پەکەکێ یێ ب ناڤێ «گارزان گەڤەر» دانینە و ل سالا 2016 نووژین ژ گارزان گەڤەر دوگیان دبە.
چاڤکانیێن مە ئەشکەرە کرن، پشتی کو دوگیان بوونا «نووژین دێرک» خوەیا دبە و هەر کەس ب پەیوەندیێن وێ یێن سێکسی ب «گارزان گەڤەر» رە دزانە، پەکەکە ڤێ بەرپرسا خوە ژ بۆی جیەکی دن ڤەدگوهێزە هەیا کو ئەڤ هەتکبەری پێ وەرە نوخماندن، هەر وەها ل گۆر ئاگاهیان، پەکەکێ گارزان گەڤەر شاند وارگەها مەخموورێ، لێ بەلێ پشترە پاش ئێریشا ترکیێ ل سالا 2017 گارزان ژ بۆی چیا هات شاندن و ئەو کر فەرماندارەکی هەپەگێ.
چاڤکانیێن «دارکا مازی» هەر وەها تەکەز دکن، ل سالا 2013 نووژین کەتبوو دەستێ چەکدارێن جەبهەت ئەل-نوسرە، لێ پشتی دەمەکی ب رێیا پەیوەندیان سەربەست هاتبوو بەردان.
ل گۆر ئاگاهی و دانەیێن تایبەت یێن ب دەست پێگەها دارکا مازی کەتین، ب دەهان مەلەفێن سەکسی یێن رێڤەبەرێن هێلا ژوور و فەرماندارێن پەکەکێ هەنە و د دەمێن پێش دە ئەمێ وان مەلەفان یەک ب یەک پارڤە بکن.
