پارتیا دەمۆرکاتیکا گەلان (ھەدەپێ) و پارتیا چەپا کەسک (یەسەپێ) ئیرۆ د داخویانیەکێ دە ھەلوەستا خوەیا ژ بۆ ھلبژارتنا گەرا دویەما ھلبژارتنا سەرۆککۆماریا ترکیێ ئاشکەرە کرن.
ھەڤسەرۆکێن ھەدەپێ پەرڤین بولدان و متحەت سانجار و بەردەڤکێن یەسەپێ چگدەم کلچگون و ئبراھیم ئاکن ئیرۆ ل ناڤەندا گشتییا ھەدەپێ د داخویانیەکێ دە راگھاندن، ئەو دێ د گەرا دویەما ھلبژارتنێ دە پشتگریێ بدن کەمال کلچدارۆغلو.
ھەڤسەرۆکا ھەدەپێ پەروین بولدانێ گۆت: “ئەمێ د 28 گولانێ دە لگەل ملیۆنان کەسان ھێڤیا سەرکەفتنێ مەزن بکن. ئەمێ بێکەمایی بچن سەر سندۆقان و ھەموو ب ھەڤ رە رەژیما یەکمرۆڤی بگوھەرینن. ئەمێ ب رژدی ل سەر تێکۆشینا خوە بەردەوام بن. “
بولدان گۆت ژی: “ئەردۆگان چ جاران ژ بۆ مە نابە بژاردەیەک.”
ژ ئالیێ خوە ڤە میتحەت سانجار ژی گۆت: مە تەرجیحا خوە ژ بۆ گوھەرتنا رەژیما قەسرێ کر. ئەم ڤێ تەرجیحێ و پۆلیتیکایا خوە ب ھەمان بریارداریێ ددۆمینن.”
ھەدەپە و پارتییا چەپا کەسک د ھلبژارتنا سەرۆکۆمارییێ دە پشتگری دابوون بەربژارێ سەرۆکۆمارییێ یێ ھەڤپەیمانییا گەل کەمال کلچدارۆغلو.
