ئیرۆ گەرا دویەم یا هلبژارتنێن سەرۆکۆمارییا ترکیێ نە

Turkey-election-Round-2

ئيرۆ 28ێ گولانێ گەرا دویەما هلبژارتنێن سەرۆکۆماریا ترکیێ تێ لدارخستن و تێ دە هەر دو بەربژێر دێ هەڤرکیێ بکن، کلچدارۆگلو و ئەردۆگان.

د 14 گولان دە ل باکورێ کوردستانێ و ترکیێ هلبژارتنێن پارلەمەنتۆ و سەرۆکۆماریێ هاتن لدارخستن و نامزەدێن تفاقا ملله‌ت کەمال کلچدارۆگلو و تفاقا جومهۆر رەجەپ تایییپ ئەردۆگان و هه‌ر وها نامزەدێ تفاقا (ئاتا) سینان ئۆگان هه‌ڤركی كرن، ل ده‌مه‌كێ سەرۆکێ پارتیا به‌له‌د موهاڕەم ئینجە ژی تەنێ 3 رۆژ بەریا هلبژارتنان خوە ڤەکشاند بوو.

دەزگەها بلندا هلبژارتنانا ترکیێ (یسک) د داخویانیەکێ دە ئەنجامێن فەرمی و داوی یێن هلبژارتنێن سەرۆکۆماریێ د 19ێ گولانێ دە راگهاندن و ل گۆر ڤان ئەنجامان؛ رەجەپ تاییپ ئەردۆگان ژ سەدی 49،24، کەمال کلچدارۆگلو ژ سەدی 45،07، سینان ئۆگان ژی ژ سەدی 5،28 ستاندن.

ب ڤی ئاوایی، ت بەربژارەکێ سەرۆکۆماریێ نەکاری د گەرا یەکەما هلبژارتنێن سەرۆکۆماریێ دە ب سەر بکەڤە، ژ بەر کو یەک ژ وان (ژ سەدی 50 + 1) دەنگان ب دەست نەخست و بریار هات دایین گەرا دویەما هلبژارتنان وەرە لدارخستن.

لوما ئیرۆ یەکشەمی 28ێ گولانێ گەرا دویەما هلبژارتنێن سەرۆکۆماریسا ترکیێ تێن لدارخستن، کو تێ دە هەر دو نامزەدێن کو د د گه‌را یەکەم دە رێژەیا هەری زێدە دەنگ ب دەست خستنە، ئەردۆگان و کلجدارۆگلو، دێ هه‌ڤركیێ بکن.

ئەڤ رێژە (ژ سەدی 50 + 1) د گه‌را دویەمین دە نایێ حه‌سباندن، لێ نامزەدێ کو رێژەیا هەری زێدە یا دەنگان بگرە د هلبژارتنان دە ئو دێ ببه‌ سه‌رۆكێ ده‌وله‌تا تركیێ.

پوستێن ھەمان بەش