هلبژارتنێن گه‌را دویه‌مین یێن سه‌رۆكتییا تركیێ ئیرۆ ل تركیێ و باكورێ كوردستانێ هاتن ئه‌نجام دایین و ل گۆری ئێنجامێن ده‌ستپێكی، ئاردۆگان سه‌ركه‌تی یه.
د 14 گولان دە ل باکورێ کوردستانێ و ترکیێ هلبژارتنێن پارلەمەنتۆ و سەرۆکۆماریێ هاتن لدارخستن و نامزەدێن تفاقا ملله‌ت کەمال کلچدارۆگلو و تفاقا جومهۆر رەجەپ تایییپ ئەردۆگان و هه‌ر وها نامزەدێ تفاقا (ئاتا) سینان ئۆگان هه‌ڤركی كرن، ل ده‌مه‌كێ سەرۆکێ پارتیا به‌له‌د موهاڕەم ئینجە ژی تەنێ 3 رۆژ بەریا هلبژارتنان خوە ڤەکشاند بوو.
ژ به‌ر كو ت نامزه‌ده‌كی رێژه‌یا پێویست كو 50+1 ب ده‌ست نه‌خستبوو، بریار هات دایین ل 28 گولانێ گه‌را دویه‌مین یا هلبژارتنێ بێ كرن.
ئیرۆ گه‌را دویه‌مین یا هلبژارتنێ برێڤه‌چوو و ل گۆری ئێنجامێن ده‌ستپێكی تاییب ئاردۆگان وه‌كه سه‌رۆكێ 13مین یێ كۆمارا تركیێ هاتیه هلبژارتن.
دەزگەها بلندا هلبژارتنان یا ترکیێ (یسک) د داخویانیەکێ دە ئەنجامێن ده‌ستپێكی راگهاندن و ل گۆری وان؛ رەجەپ تاییپ ئەردۆگان ژ سەدی 52 ، کەمال کلچدارۆگلو ژ سەدی 47 یا ده‌نگان ستاندن.
ل گۆری ڤان ئێنجامان ئاردۆگان بوویه سه‌رۆكێ 13مین یێ كۆمارا تركیێ.
