بەلەمەکە کۆچبەران کو د ناڤا وان دە هەژمارەکه کوردان هەبوون، ل بەراڤێن یوونانیستانێ بئناڤ بوو، هات زانین کو هەتا نها تەرمێ 3 کەسان هاتنە دیتن و چارەنڤیسا زێدەتر ژ 15 کەسان ژی وندانە.
رۆژا ئینیا بۆری بەلەمەکە کۆچبەران کو ژ ترکیێ بەر ب یوونانێ ڤە برێ کەت و ل نێزیکی گراڤا میکۆنۆسێ یا یوونانیستانێ د دەریایا سپی ده بئناڤ بوو.
ل گۆری زانیاریان، نێزیکی 20 کەسان د وێ بەلەمێ دە بوون، هەتا نها هاتیە زانین کو کەچا 15 سالی شێرین کالۆ یا ژ عەفرینێ جانێ خوە ژ دەست دایە، چارەنڤیسا دو کەچێن دن یێن عەفرینی ب ناڤێ زەینەب سەبری فارس و ژۆلیانا نەدیم نەجار، نەدیارە.
هات راگهاندن 3 کەسێن کو وەلاتێن سووریە، فله‌ستین و ئافغانستانێ نه، هاتنە رزگارکرن.
مەدیا یوونانێ راگهاندبوو، رۆژا ئینی 26ێ گولانێ کەشتیەکە کو کۆچبەرێن نەیاسایی تێ دە بوون، ل باکورێ رۆژهلاتێ گراڤا میکۆنۆسێ بناڤ بوویە.
ل گۆری مەدیایا یوونانستانێ، خەباتێن تیمێن هاوارهاتنێ ژ بۆ لێگەرین و رزگارکرنا کۆچبەران بەردەوامه.
