هه‌ڤسه‌رۆكێ به‌رێ یێ هه‌ده‌پێ سه‌لاحه‌ددین ده‌میرتاش ل هەمبەر درووشما «ژ بۆ سەلۆ ئیعدام»، یا د شەڤا گۆتارا ئەردۆگان یا ژ بەر سەرکەفتنا د هلبژارتنێ دە بەرتەک نیشان دا. ده‌میرتاش گۆت، «ئەز نەڤیێ فەتحکارێ قودسێ، سەرفەرماندارێ کوردێ مەزن سه‌لاحه‌ددین ئەیووبی مە. ئەز سۆز ددم کو گاڤا رۆژ وەرە ئەز ب وە هەموویان رە ب دادپەروەری تەڤبگەرم».
سەرۆکۆمارێ ترکیێ و بەربژێرێ سەرۆککۆماریێ یێ هەڤپەیمانیا جومهور رەجەپ تاییپ ئەردۆگان شەڤا هلبژارتنێ د ئاخافتنا خوە یا ل بالکۆنێ دە ب گۆتنا «ئەڤ تەرۆریستێ کو ل ئامەدێ 51 برایێن مەیێن کورد کوشتن، سەلۆیە»، سیاسەتڤانێ کورد و هەڤسەرۆکێ هه‌ده‌پێ یێ بەرێ سه‌لاحه‌ددین ده‌میرتاش کو نها د گرتیگەهێ دە یە، کر ئارمانج.
پشتی وان گۆتنێن ئەردۆگان، گرسەیا ئالیگرێن ئاک پارتیێ ژی درووشما ژ بۆ سەلۆ ئیعدام بلند کرن و داخوازا سێدارەدانا ده‌میرتاش کرن.
سه‌لاحه‌ددین ده‌میرتاش کو ل گرتیگەها تیپا ف یا ئەدیرنەیێ گرتییە، ل بەرامبەر درووشمێن وێ شەڤێ یێن ژ بۆ ئیعداما خوە بەرتەک نیشان دا.
ده‌میرتاش ل سەر حه‌سابا خوە یا تویتەرێ پەیامەک بەلاڤ کری یە و تێ دە وها دبێژە:
«ب سەرکەتنەک خاپینۆک و دەرەوین سەرخوەش بوون، قرالێ پیر کو ژ بالکۆنا قەسرا خوە یا لوکس ئیفتیرا، گەف و هەقارەتێن خوە د دۆمینە و ل بەرمابەر وی کۆمەکە لینچێ کو ب دەرەوان گێژ بوونە، هەموو ب هەڤ رە بانگا ئیعدامێ دکن».
بوویەر ل جهێ کو بەرێ فرانسا بوو پێک نایێ. سال 2023یە، جیهـ ئەنقەرەیە. ئەز دێ ببێژم، “هوون نکارن قاپووتێ من ژی دالقینن” لێ هوون نەهێژایێ وێ نە ژی. تەنێ ڤێ بێژم:
ئەز نەڤیێ سەرفەرماندارێ کوردێ مەزن سه‌لاحه‌ددین ئەیووبی، فەتحکارێ قودسێ مە کو ناڤێ وی ل من هاتیە کرن. ئەز سۆز ددم کو گاڤا رۆژ وەرە ئەزێ ب وە هەموویان رە ب عادل تەڤبگەرم».
Hileli ve sahte bir zaferin sarhoşluğuyla, lüks sarayının balkonundan gırtlağını yırtarcasına iftira, tehdit ve hakaretlerini sürdüren yaşlı kral ve karşısında yalanlardan, hazdan başı dönmüş bir linç güruhu, hep beraber “idam” diye bağırıyor.
Olay, bir zamanların Fransa’sında…
— Selahattin Demirtaş (@hdpdemirtas) May 30, 2023
