هه‌په‌گێ باسكێ له‌شكه‌ری یێ په‌كه‌كێ ناسنامه‌یا دو چه‌كدارێن دی ئاشكه‌ره كر كو د مه‌ها گولانا ئیسالێ ده ل هه‌رێما به‌ستایێ یا ل باكورێ كوردستانێ هاتنه كوشتن، یه‌ك ژێ خه‌لكێ هه‌رێما كوردستانێ یه.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا چارشه‌می 31/5/2023 ناسنامه‌یا دو چه‌كدارێن رێخستنێ ب ناڤێن سه‌روه‌ت حه‌سه‌ن و حه‌سن ئاگریمه‌ن ئاشكه‌ر كر كو ل 17 گولانا ئیسالێ ل هه‌رێما به‌ستا یا ل باكورێ كوردستانێ ژ هێلا ئارتێشا ترك ڤه هاتبوون ئارمانج گرتن.
سه‌روه‌ت حه‌سه‌ن ژ كه‌لارێ یا ل باشوورێ كوردستانێ یه و حه‌سه‌ن ئاگریمه‌ن ژی ژ شرنه‌خا باكورێ كوردستانێ یه، په‌كه‌كێ ل حه‌فته‌یا رابووری ژی ناسنامه‌یا چه‌كداره‌كی دن ب ناڤێ دیار خۆشناو ئاشكه‌ره كربوو كو ئه‌و ژی ژ هه‌ولێرێ بوو و ل چیایێ گاره‌ی دابوو كوشتن.
په‌كه‌كه هه‌ر رۆژ وێنه‌یێن كۆمێن جوانێن كوردان ل مه‌دیایا خوه پارڤه‌دكه، پرانی ژێ ل سال و مه‌هێن به‌رێ هاتنه كوشتن و پاش ده‌رباسبوونا ده‌مه‌ك درێژ ژ نوو ڤه مرنا وان ئیفشا دكه.
ل گۆری ئاگاهیێن به‌ر ده‌ستێ داركا مازی ب هه‌زاران جوانێن كوردان مانه كو په‌كه‌كێ دانه كوشتن و هێژان مرنا وان ئاشكه‌ره نه‌بوویه.
