سه‌رۆككۆرمارێ تركیێ ره‌جه‌ب ته‌ییب ئاردۆگان ئیرۆ دێ سووندا یاسایی یا ده‌ستبكاربوونا خوه وه‌كه سه‌رۆكێ 13مین یێ ده‌وله‌تا تركیێ بخوه.
ئەردۆگان دەمژمێر 14:00ان دە دەستپێکێ ل پارلامەنتۆیا ترکیێ سووندا یاسایی دخوە و مازباتایا خوە ژ سەرۆکێ دەمکی یێ پارلامەنتۆیا ترکیێ دەولەت باخچەلی وەردگرە. پشترە د دەمژمێر 15:00ان دە سەردانا گۆرا مستەفا کەمال ئاتاتورک دکە و د دەمژمێر 17:00ان دە ژی بەشداری مەراسیما دەستبکاربوونێ یا ل کۆچکا سەرۆککۆماریێ دبە.
د مەراسیما سووندخوارن و دەستپێکرنا کار یا سەرۆککۆمارێ ترکیێ دە 21 سەرۆکێن دەولەتان و 13 سەرۆکوەزیر و گەلەک سەرۆکێن پارلامەنتۆ، نوونەر و وەزیرێن وەلاتان و بەرپرسێن سازیێن ناڤدەولەتی بەشدار دبن.
تاییپ ئەردۆگان کو ب دەنگێن 27 ملیۆن و 834 هەزار و 589 وەلاتیێن ترکیێ بوویە سەرۆئۆککۆمارێ ترکیێ، ئیرۆ رۆژا شەمیێ 3ێ هەزیرانا 2023ان پشتی سووندا یاسایی ب ئاوایەک فەرمی بۆ جارا سێیەم دەست ب کار دکە.
سەرۆکێ هەرێما کوردستانێ نێچیرڤان بارزانی ژی یەک ژ مێهڤانێن سەرۆککۆمارێ ترکیێیە کو پشتی ئەنجامێن هلبژارتنێ ژ ئالیێ رەجەپ تاییپ ئەردۆگان ڤە هاتیە ڤەخوەندن.
سەرۆککۆمارێ ترکیێ رەجەپ تاییپ ئەردۆگان پشتی مەراسیمێ سوونداخوارنێ و دەستپێکرنا کار د دەمژمێر 19: 00ان دە ل کۆشکا چانکایایێ شیڤەکێ ددە مێهڤانێن خوەیێن بیانی.
تێ پێشبینیکرن کو ئەردۆگان پشتی شیڤێ ئەندامێن کابینەیا نوویا هکومەتا خوە رابگهینە.
