سەرۆککۆمارێ ترکیێ رەجەب تاییپ ئەردۆگان ئیرۆ د دەمژمێر 15:00 دە سووندا یاسایی خوار. د مەراسیما سووندخوارنێ دە 21 سەرۆکێن دەولەتان و 13 سەرۆکوەزیر و گەلەک سەرۆکێن پارلامەنتۆ، نوونەر و وەزیرێن وەلاتان و بەرپرسێن سازیێن ناڤدەولەتی بەشدار بوون.
رەجەب تاییپ ئەردۆگان کو ب دەنگێن 27 ملیۆن و 834 ھەزار و 589 وەلاتیێن ترکیێ جاردن بوو سەرۆککۆمارێ ترکیێ، ئیرۆ رۆژا شەمبیێ 3 خزیرانا 2023 پشتی سووندا یاسایی ب ئاوایەکی فەرمی بۆ جارا سێیەم دەست ب کار دکە.
ئەردۆگان د دەمژمێر 14:00 دە دەستپێکێ ل پارلامەنتۆیا ترکیێ سووندا یاسایی خوار و دەستوورنامەیا خوە ژ سەرۆکێ دەمکی یێ پارلامەنتۆیا ترکیێ دەولەت باخچەلی وەرگرت.
پشترە د دەمژمێر 15:00 دە سەردانا گۆرا مستەفا کەمال ئاتاتورک کر و د دەمژمێر 17:00 دە ژی بەشداری مەراسیما دەستبکارکرنێ یا ل کۆشکا سەرۆککۆماریێ دبە.
21 سەرۆکێن دەولەتان، 13 سەرۆکوەزیر و وەزیر و نوونەرێن 78 وەلاتان بەشداری مەراسیما دەستبکارکرنا سەرۆککۆمارێ ترکیێ بوون.
