ئارتێشا سووریێ رادگهینە، د ئەنجاما ئێرشەکە مووشەکی یا ئیسرائیلێ ل سەر شاما پایتەخت دە، لەشکەرهك بریندار بوو.
ژێدەرەکی لەشکەری ژ ئاژانسا «سانا» رە راگهاند: «ئیرۆ دەمژمێر 01:55، ئیسرائیلێ ژ ئالیێ گۆلانێ ڤە ئێریشەکە ئاسمانی پێک ئانی و هن خالێن باشوورێ رۆژئاڤایێ شامێ کرن ئارمانج».
دا زانین ژی، سیستەمێن بەرەڤانیێ یێن سووریێ رووبروویی ئێریشێ بوو و هەژمارەک مووشەک خستن خوارێ.
ئاماژە ب وێ یەکێ ژی کر ژی، د ئەنجاما ئێرشێ دە لەشکەرەک ب گرانی بریندار بوویە و زیانێن مادی چێبوونە.
ژ ئالیێ خوە ڤە، رەوانگەها سووری یا مافێن مرۆڤان بەلاڤ کر، ئێریشێن ئیسرائیلی دەردۆرا فرۆکەخانەیا ناڤدەولەتی یا شامێ و دەڤەرا ئەل-کسوێ یا ل باشوورێ شامێ کرن ئارمانج، کو ئەمبار و کۆمگەهێن میلیشیایێن سەر ب ئیرانێ ڤە لێ هەنە.
ل گۆری زانیاریێن رەوانگەهێ، د ئەنجاما ئێریشان دە لەشکەرهكی سووری بریندار کەت و هەژمارەک چەکدارێن میلیشیایان هاتن کوشتن و بریندارکرن. هەر وها هن ئەمبار و کۆمگەهـ هاتن ژناڤبرن.