ئەنجوومەنا لەشکەرییا منبجێ راگھاند، د ئەنجاما ئێرشێن ئارتێشا ترکیێ دە 4 شەرڤانێن وان و سڤیلەکی جانێ خوە ژدەست دان.
ئەجوومەنا لەشکەرییا منبجێ د داخویانیەکێ دە راگھاند، ژ ئیرۆ سبەھێ ڤە، ئارتێشا ترکیێ و چەتەیێن وێ ب چەکێن گران گوندێ دەندەنیێ تۆپبارنا دکن، د ئەنجامێ دە 2 زارۆک بریندا بوون.
ھەر وھا دا زانین، “دەما شەرڤانێن وان ھەول ددان 2 زارۆکێن ژ بەر تۆپبارانا ھێزێن ترکیێ ل گوندێ دەندەنیێ یێ باکور رۆژئاڤایێ منبجێ بریندار بووبوون رزگار بکن، 4 شەرڤانان د بۆمبەبارانێ دە جانێ خوە ژدەستدان و 2 ژی بریندار بوون.”
د داخویانیێ دە ھات گۆتن، ل گوندێ ئەرەب ھەسەن ژی درۆنەکە ترکیێ مالەکە بۆمبەباران کر، د ئەنجامێ دە وەلاتیەکی سڤیل جانێ خوە ژدەست.
دوھ ژی ئارتێشا ترکیێ خالەکە ئەنجوومەنا لەشکەرییا منبجێ ب درۆنەکێ بۆمبەباران کربوو و د ئەنجامێ دە، 2 شەرڤانان جانێ خوە ژ دەست دابوون و شەرڤانەکی دن ژی بریندار بووبوو.
