وەزارەتا بەرەڤانیێ یا کووەیتێ لگەل ترکیێ گرێبەستەک ژ بۆ دابینکرنا سیستەما درۆنان “بایراکتار تی بی 2” ب بوھایێ 367 ملیۆن دۆلاران ئیمزە کر.
ئارتێشا کووەیتێ د داخویانیەکێ دە دا زانین، ئەڤ رێکەفتن ب دانووستاندنێن راستەراست د ناڤبەرا حکوومەتێن کووەیت و ترکیێ دە، بێیی کەتنا چ ناڤبەینکاران، پێک ھاتیە.
ژ ئالیێ خوە ڤە، رێڤەبەرێ گشتی یێ بایکارێ “ھالوک بایراکتار” ب رێیا ھەژمارا خوە یا سۆسیال مەدیایێ راگھاند، وان لگەل کووەیتێ گرێبەستا ھناردەکرنا درۆنان ب سەرکەفتی ئەنجام دانە.
ل گۆری داخویانیا ئارتێشا کووەیتێ: “ئەڤ گرێبەستە ب ئارمانجا بھێزکرنا شیانێن بەرەڤانیێ یێن ئارتێشا کووێتێ تێ، ژ بەر کو ئەڤ فرۆکە خوەدی شیانێن تەکنیکی یێن بلندن د جیبجیکرنا کارێن جوربجور یێن ڤەدیتن و ئارمانجکرن و پشتگریکرنا ئۆپەراسیۆنێن سەربازی دە، ژ بلی پێشکێشکرنا زانیاریێن ھەوالگری. ھەر وھا تایبەتمەندیا وێ یا ھلگرتنا چەکێن جووربەجوور، د ناڤ دە ژی مووشەکێن ب رێبەریا لێیزەر و بۆمبەیێن ژیر، ھەیە.”
درێژاھیا درۆنێن “بایراکتار TB2” 5.6 مەترە، پەھنبوونا وێ ژی 12 مەترە، 650 کیلۆگرام ھلدگرە، ھەتا 150 کم ب لەزا 70 گرێکان (130 کم/ھ) دفرە، ھەر وھا دکارە زێدەتر ژ 24 دەمژمێران بێناڤبەر بفرە.
