پارتیا كاركه‌ران ناسنامه‌یا 5 چه‌كدارێن خوه ئاشكه‌ره كر یه‌ك ژێ ژ باشوورێ كوردستانێ یه كو به‌ری 2 سالان هاتنه كوشتن و ژ نوو مرنا وان راگهاند.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا چارشه‌می 19\6\2023 ناسنامه‌یا 5 جوانێن كورد ئاشكه‌ره كر كو ل مه‌ها 11 یا سالا 2021ێ ل باشوورێ كوردستانێ ب ده‌ستێ ئارتێشا ده‌وله‌تا ترك یا داگیركه‌ر دانه كوشتن و پاش ده‌رباسبوونا ساله‌ك و 7 مه‌هان ژ نوو ڤه مرنا وان راگهاند.
ناڤێن ڤان جوانان ووسایه:
ته‌كین ئۆكان ژ ئێله‌هێ.
ئه‌مره‌جان شاهین ژ جۆله‌مێرگێ.
دلێر روزگارت ژ سه‌قه‌زێ.
ساڤاش عه‌بۆ ژ وانێ.
عومه‌ر نه‌زار ژ مووسلێ.
په‌كه‌كێ ئه‌ڤ 5 جوانێن كورد وه‌كه ب هه‌زاران رێهه‌ڤالێن وان دانه كوشتن و مرنا وان ب سالانه ل مالباتێن وان ڤه‌شارتی یه.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كرین و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
