درۆنەکا ترکیێ ئۆتۆمۆبیلەک ل نێزیکی باژارێ قامشلۆ بۆمبەباران کر و د ئەنجامێ دە 3 کەس ھاتن کوشتن.
رەوانگەھا سووری یا مافێن مرۆڤان (SOHR) بەلاڤ کر، ئۆتۆمۆبیلەک ل سەر رێیا گوندێ تەل شەعیرێ نێزیکی قامشلۆ، ژ ئالیێ درۆنەکا ترکیێ ڤە ھات ئارمانجکرن.
دا زانین ژی، د ئەنجامێ دە 3 کادرۆیێن رێڤەبەریا خوەسەر ھاتن کوشتن کو د ناڤا وان دە کەسەکی بەرپرس ھەیە.
ژ ئالیێ خوە ڤە، مەدیایا سەر ب رێڤەبەریا خوەسەر ڤە بەلاڤ کر، ئارتێشا ترکیێ ئیرۆ دو جاران گوندێ تل شەعیر بۆمبەباران کر و د ئەنجامێ دە ھەژمارەک کەس بریندار بوونە.
چەند رۆژن ئارتێشا ترکیێ و گرووپێن چەکدارێن سەر ب وێ ڤە، ئێریشێن خوە ل سەر ناڤچەیێن رۆژئاڤایێ کوردستانێ و باکورێ حەلەبێ و منبجێ یێن کو د دەستێ ھەسەدێ دە نە، زێدە کرنە.
