ئەشكرابوونا په‌یوه‌ندیێن سكسی یێن به‌رپرس و رایه‌دارێن رێخستنا په‌كه‌كێ به‌رده‌وامه، هه‌ری داوی مه‌له‌فا رۆژهات تاتوان یێ به‌رپرسێ ئاساییشا رۆژئاڤا ب ده‌ست پێگه‌ها داركا مازی كه‌تییه، ڤی رایه‌دارێ په‌كه‌كێ پەیوەندیێن سکسی لگەل چەندین کەچ و ژنان داناینە، ژ وان ژی بەرپرسا ئاساییشا کانتۆنا جزیرێ، هەر وەها پێش نها کادرۆیەکا دنا پەکەکێ ل چیا ب دوگیان کریە.
یەک ژ کادرۆیێن پەکەکێ کو ل سالا 1989 تەڤلی رەفێن ڤێ پارتیێ بوویە، ل سالا 2002 کەچە گەریلایەکێ ب دوگیان دکە، پشترە دەما ل سالا 2014 ژ ئالیێ پەکەکێ ڤە ژ بۆ رۆژئاڤا کوردستانێ تێ شاندن، ل ور ژی دەڤ ژ ڤان کارێن خوە بەر نادە و پەیوەندیێن سکسی لگەل هەژمارەک کەچ و ژنێن دن ژی چێدکە.
چاڤکانیێن پێگەها دارکا مازی ل رۆژئاڤا کوردستانێ ئەشکەرە کرن، «رۆژهات تاتوان» یێ بەرپرسێ ئاساییشا رۆژئاڤا کوردستانێ تێکلیێن سکسی لگەل «نالین وان» کو بەرپرسا ئاساییشا کانتۆنا جزیرێ یە داناینە.
چاڤکانیێن پێگەها دارکا مازی هەر وەها ئەشکەرە کرن، پشتی ئەشکەرەبوونا ڤێ مژارێ «نالین وان» ژ بۆی ناڤچەیا «شەهبایێ» تێ ڤەگوهەستن، پشترە ل هاڤینا سالا 2022 ژ بۆی باژارێ سلێمانیێ تێ شاندن داکو دەرباسی چیا ببە، لێ بەلێ ژ بەر کو «رۆژهات تاتوان» کەسەکی نێزی مەزلووم عەبدی یە چ لێپرسین لگەل وی نەهاتیە کرن و چ سزایەک ب وی نەهاتیە دایین.
چاڤکانیێن مە تەکەز کرن، ل سالا 2002 ژی «رۆژهات تاتوان» ل ناڤچەیا «گارزان» کەچە گەریلایەکا ب ناڤێ «ئاسمین »ب دو گیان کربوو، لێ پەکەکێ ب چ ئاوا ئەو سزا نەدابوو.
