ل باژارێ ستەنبۆلێ یێ ترکیە د ئۆپه‌راسیۆنەکێ دە ب سووچا ئه‌ندامه‌تییا پارتییا كاركه‌ران 9 کەس هاتن دەستەسەرکرن.
ل گۆر ئاگاهیێن هاتین بەلاڤکرن، دوهـ 1ێ تیرمەها 2023ان ل سەر بنگەها لێپرسینا ژ ئالیێ سەردۆزگەریا کۆمارێ یا ستەنبۆلێ ڤە هات دەسپێکرن، تیمێن بارۆیا لێپرسینا تاوانێن تەرۆرێ و شاخا رووبرووبوونا تەرۆرێ یا سەر ب ناڤەندا ئەولەکاریێ یا ستەنبۆلێ ب سووچا کو ژ بۆ «رێخستنێن په‌كه‌كێ/كه‌جه‌كێ، یه‌په‌گێ/په‌یه‌دێ کار کرنە» بۆ دەستەسەرکرنا 13 کەسی دەست ب ئۆپه‌راسیۆنێ کرنە.
د ئەنجاما ئۆپه‌راسیۆنا کو ل 10 ناڤچەیێن ستەنبۆلێ هات دەسپێکرن دە، پۆلیسان هەڤدەم ب سەر 13 مالان دە گرتنە و 9 کەس دەستەسەر کرن.
تێ گۆتن، لێگەرینا ل کەسێن دن یێن کو بریارا دەستەسەرکرنا وان هەیە ژی بەردەوام دکە.
لێ دەربارێ ناسنامەیا کەسێن هاتین دەستەسەرکرن دە ت ئاگاهی نەهاتنە دایین.
