یەکینەیەکا ئارتێشا ئیسرایلێ ب پشتگریا ترومبێلێن زرخی و چەکێن گران ڤێ سبێ ل دژی کامپا جنینێ یا ل کەنارا رۆژئاڤا دەست ب ئۆپەراسیۆنەکێ کر.
وەزارەتا تەندورستیێ یا فلستینێ راگھاند، د پەڤچوونێن د ناڤبەرا ئارتێشا ئیسرایلێ و نشتەجھێن کامپا جنینێ دە، 4 فلستینی ھاتن کوشتن.
وەزارەتا تەندورستیێ دیار کر ژی، 25 فلستینی بریندار بوون و ھەر وھا 15 ژی ھاتن گرتن.
ژ ئالیێ دن ڤە ئارتێشا ئیسرایلێ د داخویانیەکێ دە راگھاند، ئارمانجا ئۆپەراسیۆنێ ژناڤبرنا کۆگەھەکا چەکان یا کۆمێن چەکدار ئێن فلستینێ یە.
رێڤەبەریا فلستینێ ژی ب توندی ئێریشا ئیسرایلێ یا ل سەر کەنارا رۆژئاڤا شەرمەزار کر و بانگ ل جڤاکا ناڤدەولەتی کر کو ل ھەمبەر ئێریشێن ئیسرایلێ ھەلوەستێ نیشان بدن.
