ل ئیرانێ ئێریشەک ل ھەمبەر بنکەیەکی پۆلیسان پێکھات

چەکدارێن نەناس ل ئیرانێ ئێریش کرن سەر بنکەیەکی پۆلیس و ھەتا نھا دو چەکداران خوە تەقاندنە و پۆلیسەک ژی ھاتیە کوشتن.

ئیرۆ 8/7/2023 چاپەمەنیا ئیرانێ بەلاڤ کر، “ھەژمارەک چەکدار و خوەکوژێن نەناس ئێریش کرنە سەر بنکەیێ ژمارە 16 ل ناڤچەیا سیستان و بەلووچیستانێ و پۆلیسەک د ئێریشێ دە ھاتیە کوشتن.”

ھەروھا ھات راگەھاندن چەکدارێن ئێریشکار، خوەکوژن و دو ژ وان چەکداران ژی خوە تەقاندنە و خوەستنە بچن ناڤ بنکەیێ پۆلیسان و دەست داینن سەر وی بنکەیی. لێ ھەتا نھا شەر و پەڤچوون د ناڤبەرا وان چەکدارێن خوەکوژ و ھێزێن ئەولەھیا ئیرانێ دە بەردەوامە.

ژ بەر بەردەوامیا شەر، ھەتا نھا ئامارێن داوی یێن کوشتی و برینداران ب تەمامی نایێ زانین. لێ ل گۆر زانیاریێن دەستپێکێ پۆلیسەک و 2 چەکدارێن ئێریشکار مرنە و گەلەک ژی بریندارن.