ئیستخباراتا پەیەدێ سێ چەکدارێن یەپەگێ ب سووچا سیخوریێ گوللـەباران کرن
![](https://darkamazi.net/file/2023/07/ypg-gerila.jpg)
ئیستخباراتا پەیەدێ ل رۆژئاڤایێ کوردستانێ 3 چەکدارێن سەر ب یەپەگێ ڤە کو ب ئەسلا خوە عەرەبن ب بەهانەیا سیخوریکرنا ژ دەولەتا ترکیێ رە گوللـەباران کرن.
چاڤکانیێن پێگەها دارکا مازی ل رۆژئاڤا کوردستانێ ئەشکەرە کرن، سێ چەکدارێن سەر ب یەپەگێ ڤە کو ب ئەسلا خوە شێنیێن حەسەکێ نە و د ناڤا رەفێن یەپەگێ دە چەکدار بوونە ل ناحیا شەدادیێ یا سەر ب حەسەکێ ڤە ل مەها 3 یا ئیسال 2023ان ژ ئالیێ ئیستخباراتا پەیەدێ ڤە هاتبوون دەستەسەرکرن و زندانکرن.
چاڤکانیێن دارکا مازی هەر وەها ئەشکەرە کرن، ئەڤ سێ چەکدارێن یەپەگێ د زندانا دێرکێ دە ب سووچا هەبوونا تێکلیان و پێدانا ئاگاهیان ب میتا ترکیێ هاتبوون دەستەسەرکرن، لێ بەلێ د مەها 5/2023ان دە بێی دادگەهکرنا وان ژ ئالیێ کادرۆیەکی سەر ب پەکەکێ ڤە هاتنە گوللـەباران کرن و کوشتن و جەنازەیێن وان ل سینۆرێ ناحیا شەدادیێ یا سەر ب پارێزگەها حەسەکێ ڤە هاتنە ڤەشارتن.
ناڤێن 3 چەکدارێن کو هاتنە کوشتن ب ڤی ئاوا نە:
ئیبراهیم حسین فەرحان: ژ داییک بوون 1996، ناڤێ داییکێ فەسلە، ژ باژارێ حەسەکێ.
ئەحمەد عەبدولرەحمان سلۆ: ژ داییک بوون 1989، ناڤێ داییکێ ئامینا، ژ باژارێ حەسەکێ.
عەلای ئیسماعیل ئەلبەدی: ژ داییک بوون 1995، ناڤێ داییکێ جمەیرە، ژ باژارێ حەسەکێ.
ئەڤ د دەمەکی دە یە کو پێش نها ژی، دژە تەرۆرا یەپەگێ ل سینۆرێ باژارۆکێ تل تەمەر یێ سەر ب پارێزگەھا حەسەکێ ل رۆژئاڤا کوردستانێ 3 ئەندامێن خوە کو یەک ژ وان کادرۆیەکی پەکەکێ بوو ب سووچا سیخوریکرنا ژ میتا ترکیێ رە دەستەسەر کربوون و ئەو کوشتبوون.