سەرۆکێ ئامەریکا جۆ بایدن پێشوازی ل سۆزا سەرۆککۆمارێ ترکیێ رەجەب تەییب ئەردۆگان کر کو داخوازا (پرۆتۆکۆلا) ئەندامبوونا سوێدێ بۆ ناتۆیێ ژ پارلامەنتۆیا ترکیێ رە بشینە.
بایدن دوھ د داخویانیەکێ دە گۆت: “ئەم ئامادە نە کو لگەل ترکیێ و سەرۆککۆمار ئەردۆگان کار ژ بۆ پێشخستنا بەرەڤانی و کارینا رێگرتنێ ل ھەرێما ئەورۆ-ئاتلانتیک بکن.”
بایدن دەستنیشان کر کو ئەو پێشوازی ل داخویانیا ترکیێ، سوێد و سەکرەتەرێ گشتی یێ ناتۆیێ ستۆلتەنبێرگ دکە کو ئەردۆگان سۆز دایە کو پرۆتۆکۆلا ئەندامتیا سوێدێ بۆ ناتۆیێ ژ بۆ پەسەندکرنێ بشینە پارلامەنتۆیا ترکیێ.
ئەڤ یەک پشتی وێ تێ، سەکرەتەرێ گشتی یێ ناتۆیێ ستۆلتەنبێرگ دوھ راگھاند کو ترکیێ ئەندامتیا سوێدێ یا ناتۆیێ قەبوول کریە و بەلگەیا پەسەندکرنا ئەندامتیا سوێدێ پێشکێشی پارلامەنتۆیا ترکیێ بکە.
بریارە ئیرۆ ژی سێشەمبێ سەرۆکێ ئامەریکا جۆ بایدن و سەرۆککۆمارێ ترکیێ رەجەب تەییب ئەردۆگان د چارچۆڤەیا لووتکەیا ناتۆیێ یا ل لیتوانیایێ دە ب ھەڤ رە بجڤن.
