دەستهلاتدارێن ترکیێ شەڤا بۆری 47 پەنابەرێن سووری د دەریێ سەرێ کانیێ رە ڤەگەراندن باکورێ سووریێ.
روانگه‌ها سووری یا مافێن مرۆڤان بەلاڤ کر، دەستهلاتدارێن ترکیێ ب هنجەتا کو کیملکا وان تونەیە، 47 پەنابەرێن سووری کو د ناڤا وان دە ژن و زارۆک هەبوون، د دەریێ سەرێ کانیێ رە ڤەگەراندن باکورێ سووریێ.
روانگەهـ دبێژە، «ترکیە ب دەرسینۆرکرنا ب دارێ زۆرێ یا پەنابەرێن سووریێ، ئارمانج دکە کو وان ل کۆمەلگەهێن نشتەجهبوونێ یێن کو ل هەرێمێن د بن کۆنترۆلا خوە دە ل باکورێ سووریێ ب تایبەت ئاڤا کرنە، ب جهـ بکە».
روانگەهێ ئاماژە ب وێ کر، دەستهلاتدارێن ترکیێ د دو رۆژێن بۆری دە، زێدەتر ژ 300 پەنابەرێن سووری د دەریێ باب ئەل-سەلامێ یا ل ئەعزازێ رە ڤەگەراندن.
ئەڤ یەک د دەمەکێ دە یە، روانگەها سووری یا مافێن مرۆڤان د دەستپێکا ڤێ مەهێ دە راگهاندبوو، «د چارچۆڤەیا پرۆسەیا گوهارتنا دەمۆگرافیا عەفرینێ دە، ترکیە 3 کۆمەلگەهێن نیشتەجیبوونێ ل عەفرینێ ئاڤا دکە، ب ئارمانجا بجهکرنا مالباتێن چەکداران و پەنابەرێن ل ترکیێ نە».
