دادگەھا بلندا سوێدێ رادەستکرنا دو کەسان بۆ ترکیێ پاش خست، کو داخوازا رادەستکرنا وان ب پشتەڤانیکرنا ئەندامبوونا سوێدێ یا ناتۆیێ ڤە گرێدایی بوو.
ئیرۆ پێنجشەمێ 13 تیرمەھا 2023، دادگەھا بلندا سوێدێ رادەستکرنا دو وەلاتیان بۆ ترکیێ پاش خست، کو داخوازا رادەستکرنا وان ب پشتەڤانیکرنا ئەندامبوونا سوێدێ یا ھەڤپەیمانیا ناتۆیێ ڤە گرێدایی بوو.
ترکیە ب بەهانەیا “ئەپلیکەیشنا بایلۆک داخستیە تەلەفۆنا خوە و ب کار ئانیە”، داخواز دکە کو ئەو ھەر دو کەس بۆ ترکیێ بهێن رادەستکرن. دادگەھا بلندا سوێدێ راگھاندیە کو داخستنا وێ ئەپلیکەیشنێ ب تەنێ نکارە ببە نیشانە کو پێوەندیا وان ب تەڤگەرا گولەن ھەیە.
دادگەھا بلندا سوێدێ دیار کریە کو د ئەگەرا رادەستکرنا وان بۆ ترکیێ دە، ئەو دو کەس دێ رووبروویی چەوساندن و ئێشکەنجەیێ ببن. بریارا حکوومەتا سوێدێ یا ژ بۆ رادەستکرنێ ژی، ب بریارا دادگەھێ ڤە گرێدایییە.
بریارا دادگەھا بلندا سوێدێ تەنێ سێ رۆژ پشتی وێ یەکێ تێ کو سەرۆککۆمارێ ترکیێ رەجەب تەییب ئەردۆگان رازی بوو کو دۆسیەیا ئەندامبوونا سوێدێ د ناتۆیێ دە بشینە پارلامەنتۆیا وەلاتێ خوە، دا کو دەنگ ل سەر وێ بریارێ بهێت دایین.
