د راپۆرا کۆنفەدەراسیۆنا سەندیکایێن ناڤنەتەوی دە ترکییە د سالا 2023 دە د ناڤ “10 وەلاتێن ھەری خراب یێن کارکەران” دە جیھ گرت. د ڤان دو سالێن داوی دە ترکییە ژی د ھەمان لیستەیێ دە ھات نیشاندان.
ل گۆر راپۆرا کۆنفەدەراسیۆنا سەندیکایێن کارکەرێن ناڤنەتەوی، کو ژ 148 وەلاتان پێک تێ، د سالا 2023 دە ترکییە د ناڤا “10 وەلاتێن ھەری خراب یێن کارکەران” دە جیھ گرت.
د راپۆرێ دە ھات گۆتن کو، “ئێریشێن ھۆڤانە یێن ل سەر ئازادی و مافێن کارکەران بەردەوام دکن، پۆلیسان خوەپێشاندان تەپەسەر کرن و رێڤەبەرێن سەندیکایان ب ئاوایەکی کەیفی تێن گرتن”.
ترکییە د لیستەیا مافێن گەردوونی دە د رێزا 5 دە جیھ گرت کو تێ واتەیا “مافێن کارکەران نایێن گارانتیکرن”.
10 وەلاتێن ھەری خراب ئێن کارکەران وھا نە:
بانگلادەش، بیلارووس، ئەکڤادۆر، مسر، ئەسڤاتینی، گواتیمالا، میانمار، فیلیپین، توونس و ترکییە.
د راپۆرێ دە ھات ببیرخستن کو خوەدان کاران ل ترکییێ کارکەرێن کو ھەول ددن خوە برێخستن بکن ب ئاوایەکی رێباز ژ کار دەر کرینە.
