ئیسرائیلێ ب مووشەکان هن خالێن حزبوللاهـ یێن ل دەردۆرا شامێ کرن ئارمانج و د ئهنجامێ ده، 7 چهكدارێن حزبوللاهـ و لهشكهرێن سووری هاتن كوشتن و بریندار كرن.
روانگهها سووری یا مافێن مرۆڤان ئیرۆ رۆژا چارشهمی 19/7/2023 بهلاڤكر كو ئیسرائیلێ ئیرۆ دەمژمێر 12:25 ژ ئالیێ باکورێ جۆلانێ ڤە ئێریشەکە ئاسمانی پێک ئانی و هن خالێن حزبوللاهـ ل دەردۆرا شامێ کرن ئارمانج.
رەوانگەها سووری یا مافێن مرۆڤان دیار کر، ئیسرائیلێ دەردۆرا فرۆکخانەیا دیماسێ و دەڤەرا سەبۆرا مووشەکباران کرن کو هێزێن فرقەیا 4م بجهـ دبن و کۆمگەهێن حزبوللاها لبنانی لێنە.
ل گۆری زانیاریێن رەوانگەهێ، ژ دەستپێکا ئیسال ڤە، ئەڤ ئێریشا 20 مین یا ئیسرائیلێ یه ل سهر بارەگەهێن ئارتێشا سووریێ و میلیشیایێن سەر ب ئیرانێ. ئیسرائیل سووریێ تۆمەبار دکە کو ئەو رێ ددە هێزێن سەر ب ئیرانێ ڤە پێگەهێن خوە ل وی وەلاتی بهێز بکن و ئێریشی ئیسرائیلێ بکن.
