پرۆتۆکۆلا کو ناڤبەرا سەرۆکێ جەهەپێ کەمال کلچدارۆغلو و سەرۆکێ پارتیا زەفەرێ ئومید ئۆزداگ دە ھاتی ئمزەکرن، بوو سەدەمەک مەزن کو، ئۆپۆزسیۆن ژ ھەڤ بپەلشە. ھەری داوی پارتیا چەپا کەسک ژی دا خوویاکرن کو، ئەڤ پرۆتۆکۆلە بوو سەدەما نەرحەتیەک مەزن د ناڤا بنگەھێ پارتیێ دە.
رێڤەبەرێن ھەدەپێ یێن کو ژ بەر دۆزا گرتنێ ب لیستەیا پارتیا چەپێن کەسک بەشداری ھلبژارتنێن 14 گولانێ بووی دان خویاکرن کو، د 14 و 28 گولانێ دە “بێ شەرت و مەرج” پشتگری دایە کلچدارۆغلوو.
پارتیا کەسکا چەپ د داخویانوا خوە دە دبێژە:
“ترکیە یان دا بەر ب دەمۆکراسیێ ڤە چیت، یان ژی دا زێدەتر بیتە ئۆتۆکراتیک. مە دەمۆکراتیکبوونا ترکیەیێ هەلبژارت. ژ بەر ڤێ یەکێ مە ب ئاوایەکی یەکالی پشتگری دا کلچدارۆغلو”. چاڤکانیێن ھەدەپێ دیار کرن کو “د بەردێلا پشتگریا کلچدارۆغلوو دە تشتەک نەخوەستن و د ڤی واری دە ھەڤدیتن ژی پێک نەھات.”
لێ سەرکردەیێن هەدەپێ بەحسا رێکەفتنا کلچدارۆغلو و ئۆزداگ کرن و گۆتن، “مە ب ناڤێ دەمۆکراسیێ پشتگری دا وێ و مە چ داخوازی نەکرن، ئەڤە ب وێ واتەیێ تێ کو کەسەکی ل پشت دەریێن گرتی دانووستاندنان کرینە. ئەڤ رەوشە د بنکەیا مە دە بوو سەدەما نەرازیبوونەکا جەماوەری”.
ھەدەپە ب خوە د ڤێ داخوویانیێ دە راستیێ نابێژە. ژ بەر کو بەرپرسێن ھەدەپێ ل گەل جەهەپێ ھەڤدیتن کرن. وان ژی ل گەل جەهەپێ پرۆتۆکۆلەک نھینی ئیمزەکرن. لێ هێژان ئەو ژی ئەشکەرە نەبوویە. ژ ھەدەپێ پێتر قەندیل ل گەل جەهەپێ و تایبەتی ل گەل کلچدارۆغلو ل ھەڤھاتبوو.
دەما کۆنگرەیا ھەدەپێ چێبە، دێ ئەڤ یەک باندۆرا خوە دییار بکە. ھەروەھا ئیحتمالەک مەزن موومکنە کو، ھەڤدیتنێن قەندیل و جەهەپێ ژی ب ئاوایەکی ببن بابەتەکێ کۆنگرەیێ جەهەپێ ب خوە ژی.
