حکوومەتا بریتانیایێ ئیرۆ 1ێ تیرمەھا 2023 د داخویانیەکێ دە، کۆمکوژیا کوردێن ئێزدی، وەک جینۆساید راگھاند.
داخویانیا کو ل سەر مالپەرا فەرمی یا حکوومەتێ ھات وەشاندن تێ دە ھات گۆتن: “ئیرۆ بریتانیایێ ب ئاوایەکی فەرمی قەبوول کر کو داعشێ د سالا 2014 دە ل دژی ئێزدیان کریارێن قرکرنێ پێک ئانینە.”
رێخستنا تەرۆریست یا داعشێ د تەباخا 2014 دە، پشتی ئێرشی چەند پارێزگەھێن ئیراقێ، ئێرشی سەر قەزایا شنگالێ کر و زێدەتری سالەکێ د بن کۆنترۆلا وێ دە ما.
داعشێ زێدەتری 3 ھەزار و 200 کوردێن ئێزدی کوشتن و نێزیکی 7 ھەزار کەسێن دن کو پرانیا وان ژن و زارۆک بوون، رەڤاندن.
دەربارێ جینۆسایدناساندنا کۆمکوژیا ئێزدیان ژ ئالیێ داعشێ ڤە، رێکخەرێ راسپاردەیێن ناڤدەولەتی د حکوومەتا ھەرێما کوردستانێ دە دیندار زێباری پێشتر دیار کربوو کو ھەتا نھا 10 وەلاتان ئەڤ کۆمکوژی وەک جینۆساید ناس کریە.
