سەرۆکێ ناڤچەیا ھیزانێ یا مەھەپێ ل دیاربەکرێ ب کیلۆیەکا تریاکێ ھاتە گرتن

سەرۆکێ بەرێ یێ ناڤچەیا ھیزانێ یا مەھەپێ ئەیووب ئووستا کو د ترومبێلا وی دە کیلۆیەک تریاک ھاتە گرتن دبێژە: “ئەڤە دو سالن ئەز تریاکێ ب کارتینم. گەلەک جارا ھندەک کەسێن دن ژی ب ترومبێلا من چوون و ھاتنێ دکن، ئەڤ تریاک نەیا منە. ئەز تریاکێ ب کارتینم لێ بازرگانیا وێ ناکم.”

سەرۆکێ مەھەپێ یێ بەرێ یێ ناڤچەیا ھیزانا بەدلیسێ ئەیووب ئووستا د لێگەرینا کو د 3 گولانێ دە ل سەر رێیا دیاربەکر-شانلی ئورفایێ ژ لایێ تیمێن پۆلیسان ڤە ھات کرن دە ب 1 کیلۆ تریاکێ کو بھایێ وێ 4 ملیۆن لیرەنە ھات گرتن. پشتی کو ناڤێ ئوستا کەت ناڤ هەتکبەرییا تریاکێ دە، ناڤەندا گشتی یا مەھەپێ سەرۆکاتیا ناڤچەیا بەدلیسێ بەتال کر.

ئووستا دیار کر کو کارێ وی یێ سەرەکی خوارنگەھەک ل ھیزانێیە و وھا گۆت: “ترومبێلاا کو ئەز تێدا ھاتم گرتن ل سەر ناڤێ من قەیدکرییە. ئەز دچووم مێرسینێ ژ بۆ خوارنگەھا خوە ھندەک پێوستیان بکرم. ئەز ل ئامەدێ ھاتم گرتن، 2 سالن تریاکا کو ھاتیە دەستەسەرکرن بکار تینم. ئەز ژ بلی میتامفەتامینێ “کریستال” چ ماددەیێن دن بکار ناینم. ئەز ڤێ تریاکێ ژ کەسێن کو ئەز وان ناس ناکم دکرم ئەز ھەر 3-4 رۆژان جارەکێ بکار تینم. ئەز ژ بەدلیس، تاتوان و ھیزانێ ھندک ھندک دکریم.”