پۆلیسێن ئەلمانیا ب داخویانیەکی داخواز ژ خەلکێ وەلاتێ خوە کر کو خوە ژ رێخستنا تەرۆریستی یا پەکەکێ دوور بگرن.
د داخویانیا پۆلیسێن ئەلمانیا یا دەربارێ کۆمکرنا پارە بۆ رێخستنا قەدەغە یا پەکەکێ دە ھاتیە گۆتن: “پەکەکە سالا 1993 ڤە ل ئەلمانیایێ ھاتیە قەدەغە کرن و وەک رێخستنەکا تەرۆریست ھاتیە پێناسە کرن. ئەلمانیا کار دکە ژ بۆ کو چاڤکانیێن دارایی یێن وێ رێخستنێ نەھێلە. د ڤێ چارچۆڤەیێ دە ب گشتی ل دووڤ وان کەسان دگەرن کو پێشینەییا وان ھەموەلاتیێن کوردن، کو پارە ژ بۆ پشتەڤانیا پەکەکێ ددن و گەلەک جاران پارە وەک بەخش کرن، گەلەک جاران ژی وەک باج ددن.”
د ھەمان داخویانیێ دە ھاتیە گۆتن، د راستیێ دە ئەو پارەیێ کو تێ کۆم کرن، د ناڤ تشتێن دن دە ژ بۆ شەرێ گەریلا تێ بکارئانین، کو خەلکەک زێدە ژ بەر وێ بریندار دبن و ژیانا خوە ژ دەست ددن.
پۆلیسێ ئالمانیا ھشیاری ددە و دبێژە: “دکارە سەردانا تە ژی بێ کرن و داخوازا پارە دایینێ ل تە بکن. ئەگەر تو وێ نەکی دبە کو گەف ل تە بێن خوارن و ھەولا ترساندنا تە بێ دایین. د ئەنجامێ دە دکارە ئەو تەوانبار ب گەلەک ئاوایان بێن دادگەھی کرن، ژ بۆ نموونە پشتەڤانیا رێخستنا تەرۆریست ل دەرڤەیی وەلات، گەفخوارن، ناچارکرن یان ژی بنپێکرنا یاسایێن ناڤنەتەوی ھندەک ژ وانن.”
پۆلیسێن ئەلمانیا دبێژن: تیکایە پەیوەندیێ ب پۆلیسان ڤە بکن. ئەم دکارن وھا تە و کەسێن دن ژی بپارێزن.
ھەروھا تەکەز دکە: ب پارە دایینا پەکەکێ ڤە خوە نەخن بن لێکۆلین و لێپرسینان.
پۆلیسێ ئەلمانیا ب رژدی دبێژە؛ ئەگەر باندۆرا وێ داخوازا پارەدانێ ل سەر وەیە، بلەز ئەم داخواز دکن ژ وە پێبەند نەبن ب وان داخوازێن پارەیێن ژ ئالیێ پەکەکێ ڤە تێن کرن.
