” پەکەکێ نێزیکی پێنجوێنێ گەلەک خالێن گومرکێ دانینە”

رێڤەبەرەکی یەنەکێ ئاشکەرا کر، پارتیا کارکەرێن کوردستانێ (پەکەکێ) ب ئاگاھداریا ئیرانێ نێزیکی سینۆرێ پێنجوێنێ و ل ئالیێ ئیرانێ گومرک دانینە.

ل گۆر زانیاریان، دەمەکە تەڤگەرا چەکدارێن پەکەکێ ل سینۆرێ ناڤچەیێن پێنجوێن و نالپارێز پر زێدە بوویە و ل ناڤچەیێن سینۆرێن بن دەستھلاتا یەنەکێ دە راوەستگەھ دانینە و گومرکێ ل خەلکێ وەردگرن. نە تەنێ ژ ھەر بارەکی قاچاخ گومرکێ وەردگرن، ژ ئالیێ رەسمی ڤە گومرکێ وەردگرن، پشتی وەرگرتنا گومرکێ ژی کاخەزەکی ددن خەلکێ.

جیگرێ بەرپرسێ مالبەندا یەنەکێ ل کۆیە ئاسۆ کاکەرەش کو دەمەکێ ل ئیرانێ بوویە و نھا ڤەگەریایە ھەرێما کوردستانێ راگەھاند: “بەلێ پەکەکە ل ئالیێ پێنجوێنێ یە، لێ ل ئالیێ ئیرانێ گومرک دانینە، ئیران ب کریار پشتەڤانیا وان دکە. یەنەکە گەلەک نیگەرانە کو ئاستا دەستوەردانێن پەکەکێ ل وی سینۆری گەھەشتیە وێ ئاستێ ئیران پەکەکێ وەک کارتا گڤاشێ بکارتینە. ژ رۆژھلاتێ کوردستانێ ژی ھەوکاریا پەکەکێ ھەیە و نھا پەکەکە خوەدی ئابۆریەک باشە، ب ھەزاران کۆمپانیایێن ب ناڤێ خەلکێ ڤە ل ناڤچەیێ دانینە ھەیە، ل ئەوروپا ژی ب ھەمان ئاوایی.”

ھەروھا دیار کر، پەکەکە دەرڤەیی سینۆرێ پێنجوێنێ ل سینۆرێ ناحیەیا سەنگەسەرا دەڤەرا راپەرین ژی ھەیە، ژ بەر وێ ژی نھا نە تەنێ یەنەکێ بەلکو چ ئالیەک نکارە پێشی ل ھەژمۆنا پەکەکێ بگرە.”