كادرۆیه‌كێ یه‌كینه‌یێن سه‌ید شوهه‌دا كو د میحوه‌رێ مقاوه‌مێ یێ ئیرانێ ده ژ هێزێن سه‌ره‌كه یه، د یێك ژ مۆلێن مووسلێ ده ب سووچا شاندنا دۆلاری بۆ ئیرانێ هات بنچاڤ كرن.
چاڤکانیێن پێگه‌ها «دارکا مازی» ئاشكه‌ره کرن، یەک ژ چەکدارێن حەشدا شەعبی یێ ب ناڤێ «موسەنا یاس خزر» كو پاسەوانێ نڤێسینگەها جیبجیکار ئا میلیشیایێن ب ناڤێ یه‌كینه‌یێن سەید ئەلشوهەدا – ل مووسلێ یه و نیشتەجیهێ تاخا سەددامە ل باژارێ مووسلێ، ل رۆژا 13/7/2023ان ژ هێلا ب رێڤەبەرییا سووچێن ئۆرگانیزەکری ڤە د ناڤا “گۆلدن مۆل” ده یا کو دکەڤە تاخا ئەلزهۆر، ب تاوانا ڤەگوهەستنا دۆلار ژ بۆی دەرڤەی ئیراقێ هاتیه ده‌سته‌سه‌ر كرن.
هه‌ر وها ده‌ستنیشان کرن، حکوومەتا ئیراقێ ژ بۆی پێشیگرتنا ل زێدەتر داکەتنا نرخا دیناری ل همبەر دۆلارێ ئامه‌ریكی، دەست ب گرتنا هن کەسان کری یە کو دۆلار ژ ئیراقێ دشاند دەولەتێن دن ب تایبەتی ئیرانێ و د ڤێ چارچووڤەیێ دە هن چەکدارێن حەشدا شەعبی دەستەسەر کرنە.
گرووپێن سەر ب حەشدا شەعبی رۆلا سەرەکی دلیزن ژ شاندنا دۆلاری ژ ئیراقێ بۆ ئیرانێ و تەڤی هەولدانێن حکوومەتا ئیراقێ ژ بۆی کۆنترۆلکرنا نرخا دیناری، لێ بەلێ تەڤ هەولێن وان بێی ئێنجام مانە و دۆلار هەر کو دچە ب بوهاتر دبە و ئەڤ یەک ژی بوویە سەدەم نرخا کەلوپەل و پێویستیێن خەلکێ ل ئیراقێ بلند ببە.
گرووپێن چەکدار یێن سەر ب حەشدا شەعبی ژ دەما دامەزراندنا خوە هەیا نها بەردەوامن ژ ئەنجامدایینا کارێن دەریاسایی ل ئیراقێ و چەندین تاوانێن وەکە رەڤاندنا ولاتیان، ئیشکەنجەکرن، کوشتنێن هه‌ره‌مه‌كی د به‌رژه‌وه‌ندییا ئیرانێ دە ئەنجام دایینە.
