پارلامەنتەرا ئەلمان یا پارتیا چەپ گۆکای ئاکبولوت د 3 تەباخێ دە ل بالافرگەھا ئانتالیایێ ھاتبوو دەستەسەرکرن.
ل گۆر نووچەیا رویتەرسێ، گۆیکا ئاکبولوت گۆت، ئەو ژ بەر چەندین پۆستێن کو د سالا 2019 دە ل سەر تۆرێن جڤاکی دەربارێ پەکەکێ دە بەلاڤ کربوون هاتیە گرتن.
سەردۆزگەریا کۆمارێ یا ترکیێ ب تۆھمەتا پرۆپاگاندایا تەرۆرێ دەر بارێ وی دە بریارا دەستەسەرکرنێ دا.
ھەروھا پارلامەنتەرا ب ئەسلێ خوە کورد گۆکای ئاکبولوت د گولانا 2022 دە ژ پارلەمەنتۆیا ئەلمانیا داخواز کربوو قەدەغەیا چالاکیێن پەکەکێ یێن ل ئەلمانیایێ راگرە.
پەکەکە ژ 26 مژدارا 1993 ڤر ڤە ل ئەلمانیایێ د لیستەیا رێخستنێن تەرۆرێ دە جھ دگرە و ھەموو چالاکیێن وێ تێن قەدەغەکرن.
ئەلمانیا کو ھەژمارەکا زێدە ژ ئالیگرێن پەکەکێ لێ دژین، باندۆر ل تێکلیێن ناڤبەرا بەرلین و ئەنقەرەیێ کر، ژ بەر ڤێ یەکێ پۆلیسێن ئەلمان پەکەکێ وەکە “کۆمەکا تەرۆریست و نەقانوونی” راگەهاند و وەلاتیێن خوە ژ پشتگریکرنا وێ ھشیار کرن.
