یەک ژ کادرۆیێن قەدیم یێن پەکەکێ ل چیایەکی باشوورێ کوردستانێ ژ ئەنجاما پەیوەندیێن سێکسی ب یەک ژ کادرۆیێن دن یێن پەکەکێ رە دوجانی دبە، پشترە دەما زارۆک ژ داییک دبە زارۆکێ وێ ژێ تێ ستەندن.
چاڤکانیێن پێگەها دارکا مازی ئەشکەرە کرن، خەملین کۆبانی کو نها وەکە یەک ژ بەرپرسێن ئاساییشا دێرازوورێ تەڤ دگەرە و ل سالا 1992 تەڤلی رەفێن پەکەکێ بوویە، د سالا 2010 دە ل چیایێ گارە یێ باشوورێ کوردستانێ ژ هەڤالەکی خوە یێ گەریلا دوجانی دبە.
چاڤکانیێن پێگەها دارکا مازی تەکەز کرن، پشتی کو خەملین کۆبانی زارۆکێ خوە یێ کور تینە سەر دنێ، رێخستنا پەکەکێ وەکە کارێ خوە یێ هەرتم زارۆکێ وێ ژ وێ دستینە و دەرباسی کامپا مەخموورێ دکە و ل ور تەسلیمی مالباتەک ئاپۆجی دکە هەیا کو ژ وان رە پەروەردە بکە، ژ بەر ڤێ یەکێ بۆ دەما 7 سالان خەملین رەفێن پەکەکێ ب جی دهێلە و دچە مالا باڤێ خوە ل کۆبانیێ.
هەر وەها تەکەز کرن، خەملین کۆبانی د سالا 2018 دە دیسا تەڤلی رەفێن پەکەکێ دبە و نها ل دێرازوورێ ژی پەیوەندیێن سێکسی ب شۆفێرێ خوە رە دانینە و هەر کەس ژی ب ڤێ یەکێ دزانە.
پەیوەندیێن سەێسی یێن د نێڤبەرا کادرۆیێن پەکەکێ دە وەکە تشتەکی نۆرمال لێهاتینە، پەکەکە ژی چ پێنگاڤەکی ژ بۆی چارەسەرکرنا ڤێ پرسگرێکا دوور ژ چاند و کلتوورا کوردی نائاڤێژە، بەرەڤاژی هەول ددە ڤان فهێتیان د نێڤ خوە دە ڤەشێرە.
