وەزیرێ ئیستخباراتا ئیرانێ دبێژە، چەند کەس ب تاوانا سیخوریێ ژ بۆ ئەورۆپا و بریتانیا هاتنە گرتن و جەزایێ دارڤەکرنێ ل وان هاتیە برین.
وەزیرێ ئیستخباراتا ئیرانێ سەئید ئیسماعیل خەتیب راگهاند کو وی سیخورێن سوێد، بریتانیا، فرانسا و چەند وەلاتێن دن گرتنە.
«هنەک ژ وان کەسێن کو ب تۆمەتا سیخۆریێ ژ بۆ وەلاتێن ئەورۆپایێ هاتنە گرتن، ب ئیدامێ هاتنە مەحکوومکرن.
ل رۆژهلاتێ کوردستانێ و ئیرانێ د سەردەما شۆرەشا ژیانا ئه‌مینی دە ب دەهان کەس ب تۆمەتا سیخوریێ ژ بۆ ئامەریکا و وەلاتێن رۆژئاڤا هاتنە گرتن و ل گۆر مەدیایێن فارسی یێن دەرڤەیی ئیرانێ، تەنێ د ئیسال دە رەژیما ئیسلامی یا ئیرانێ هەری کێم 354 کەس ب ئیدامێ مەحکووم کرنە.
کەچا کورد (ژینا ئەمینی) رۆژا 13ێ ئیلۆنا 2022ان ژ ئالیێ پۆلیسێن ئەولەهیا جڤاکی یا تەهرانێ ڤە، ب سەدەما کو سەرێ خوە نەگرتبوو، هات گرتن و پشتی 3 رۆژان تەرمێ وێ رادەستی مالباتا وێ هات کرن.
کوشتنا ژینا ئەمینی ژ ئالیێ پۆلیسێن ئیرانێ ڤە بوو سەدەما بەرتەکێن ناڤخوەیی و جیهانی و خوەپێشاندان ب مەهان ل پرانیا باژار و باژارۆکێن ئیرانێ بەردەوام بوون.
