وەلاتیەکێ کورد د گرتیگەهێن رژێمێ د بن ئەشکەنجەیێ دە هات کوشتن

وەلاتیەکی کوردێ ژ عەفرینێ پشتی مانا 7 مەهان د گرتیگەهێن رژێمێ ل شامێ دە، د بن ئەشکەنجەیا هۆڤانە دە هاتە کوشتن.

رێخستنا مافێن مافێن مرۆڤان ل عەفرینێ بەلاڤ کر، وەلاتیێ ب ناڤێ مستەفا شێخۆ بەکرێ ژ گوندێ جۆقێ یێ هەرێما عه‌فرینێ رۆژا 15ێ تەباخا 2023ان ل شامێ د گرتیگەهەکە رژێما سووریێ دە و ژ بەر ئەشکەنجەیا هۆڤانە دە جانێ خوە ژدەست دا.

رێخستنا مافێن مافێن مرۆڤان دا زانین ژی، دەستهلاتێن ئەولەکاریێ مالباتا مستەفا شێخۆ بەکر نەچار کر کو تەرمێ وی ل گۆرستانەکە باژارۆکێ قەتەنایێ ل گوندەوارێ شامێ ڤەشێرن.

ل گۆری زانیاریێن وێ رێخستنا مافێن مرۆڤان، مستەفا شێخۆ بەکر (55 سالی) کو ب سالانە ل گوندێ جەرجیرێ ل دەڤەرا قەلەموونا ل باکورێ شامێ بجهـ بووبوو، رۆژا 1ێ سباتا 2023ان ل گەل داییكا خوە ل شامێ هاتبوو بنچاڤکرن. داییكا وی ل هەمبەر 30 ملیۆن لیرەیێن سووری هاتبوو ئازاد کرن و ئەو ژی ژ بۆ ناڤەندێن ئەولەکاریێ هاتبوو برن.

د هەیاما 12 سالێن کریزا سووریێ دە، رێخستنا هیومان رایتس ووچ و رێخستنێن دن یێن مافێن مرۆڤان، سەرۆکێ سووریێ بەشار ئەسەد و رێژیما وی ب کوشتن و «ئەشکەنجەکرنا سیستەماتیک» ل دژی دژبەرێن خوە د زیندانان دە تێ تۆمەتبارکرن و ب هەزاران یێن كو هاتێن ئەشکەنجەدان و کوشتنێ بەلگە کرنە.

ل گۆر ئامارێن «تۆرا سووری یا مافێن مرۆڤان» رژێما سووریێ زێدەتر ژ 215 هەزار کەس د گرتیگەهێن خوە دە گرتنە، بێیی کو ناڤ، جهـ و چارەنڤیسا وان ئەشکەرە بکە.

چاڤكانی: كوردستان 24