ئاژانسا نووچەیان یا رووسیایێ TASS راگھاند، ل تڤەرێ بالافرەک کەتە خوارێ و سەرۆکێ ڤاگنەرێ یەڤگەنی پرگۆژن ژی تێ دە، 13 کەسان جانێ خوە ژ دەست دان.
وەزارەتا رەوشا ئاوارتەیا رووسیایێ راگھاند، بالافر ژ مۆسکۆیێ بەر ب باژارێ ست. پێتێرسبورگ دفریا و ل نێزیکی گوندێ کوژینکینۆ کەتیە خوارێ و 10 رێوی و 3 کەسێن ژ تیما بالافرێ تێ دە بوون، ھەموویان جانێ خوە ژ دەست دانە.
شەڤا 23 خزیرانا 2023، سەرۆکێ ڤاگنەرێ یەڤگەنی پرگۆژن ل دژی ئارتێشا رووسیایێ و حکوومەتا مۆسکۆیێ شەر راگھاند و ھێزێن وان چوونە ناڤ باژارێ رۆستۆڤێ یێ ل سینۆرێ رووسیایێ و ھەموو بنکەیێن سەربازی کۆنترۆل کرن.
ئەو رەوش نەگھشتە 24 دەمژمێران و ئۆفیسا سەرۆکێ بیلاروسیا راگھاند، گرۆپا ڤاگنەر رازی بوویە کو رەوشێ ل رووسیایێ ئارام بکە و چالاکیێن خوەیێن سەربازی راوەستینە.
ژ سالا 2014 ڤە ڤاگنەر ل سەرانسەرێ جیھانێ د گەلەک ململانیان دە بەشدار بوو، ب تایبەتی ل سووریێ و ل گەلەک وەلاتێن ئەفریقایێ.
