سەرۆکێ بەرێ یێ ئامەریکایێ دۆنالد ترامپ ئێڤارا پێنجشەمبێ 24 تەباخا 2023، ب تۆمەتا ھەولدانا گوھەرتنا ئەنجامێن ھلبژارتنێن سەرۆکاتیێ یێن سالا 2020 یێن ئامەریکایێ، خوە رادەستی بەرپرسێن گرتیگەھا فولتۆنا ل باژارێ ئاتلانتایێ ل ئەیالەتا گەئۆرگا کر.
دۆنالد ترامپ ڤێ جارێ ژ سێ جارێن دن جودا، ل شوونا کو بچە دادگەھێ، خوە رادەستی بەرپرسێن گرتیگەھا فولتۆنێ یا ل ئەیالەتا ئاتلانتایێ کر، پشتی کو نێزیکی نیڤ دەمژمێرێ ل گرتیگەھێ ما، وێنە و پەنجەمۆر ژێ ھاتە وەرگرتن و ب کەفالەتا 200 ھەزار دۆلاران ھات بەردان.
د ڤێ دۆزێ دە، پارێزەر، ئالیکار، کارمەندێن ئۆفیسا ھلبژارتنان، ئەندامێن پارتیا کۆماری تۆمەتا وێ یەکێ ل ترامپ کرنە کو یاسا بنپێ کرنە و ھەول دایە ئەنجامێن ھلبژارتنێن سەرۆکاتیێ یێن سالا 2020 یێن ئامەریکایێ بگوھەرینە.
ئەڤ جارا چارەمە د ناڤا چەند مەھێن بۆری دە ترامپ ل واشنگتۆنا پایتەخت، ئەیالەتێن نیو یۆرک، فلۆریدا و گەئۆرگا رووبروویی دادگەھێ دبە، ب ڤێ یەکێ ژی ترامپ د دیرۆکا وەلاتێ خوە دە یەکەم سەرۆکە کو پشتی بداویبوونا دەما سەرۆکاتیا خوە، دەربارێ وی دە دۆز تێ ڤەکرن.
