دارکا مازی ناڤێن چەندین چەکدارێن داعشێ یێن نها د ناڤا رەفێن یەبەشێ دە نە ئەشکەرە دکە
هەژمارەک چەکدارێن بەرێ یێن داعشێ پشتی شکەستنا داعشێ و ئازادکرنا ناڤچەیێن د بن دەستهلاتا وان دە دەرباسی سووریێ بوونە و نها د ناڤا رەفێن یەپەگێ و یەبەشێ دە جی دگرن.
چاڤکانیێن پێگەها دارکا مازی ئەشکەرە کرن، هەژمارەک ژ چەکدارێن داعشێ پشتی کو ناڤچەیێن د بن دەستهلاتا وان ڤە تێن ئازادکرن دەرباسی سووریێ دبن، ل ور تەڤلی رەفێن پەکەکێ دبن و پشت رە ژ ئالیێ پەکەکێ ڤە تێن ڤەگوهاستن بۆ ناڤ رەفێن یەبەشێ ل سینۆرێ شەنگالێ.
د ڤێ دەربارێ دە پێگەها دارکا مازی ناڤێن هن ژ وان چەکدارێن پەکەکێ ب دەست خستنە و ژ بۆی شۆپینەرێن خوە بەرچاڤ دکە.
ناڤێن هن ژ چەکدارێن داعشێ کو نها د ناڤا رەفێن یەبەشێ دە جی دگرن ب ڤی ئاوا نە:
ئەحمەد خزر ئەحمەد حەمد، بەرنیاس ب ئەحمەد مەلا یان ژی هەڤال نەمر، ژ داییک بوویێ 1982 یە و ب ئەسلا خوە عەرەبە ژ هۆزا سەبعاوی یە، شێنیێ گوندێ ئوم ئەلزیبان یێ سەر ب باژارۆکێ بەعاجە، نیشتەجیێ باژارۆکێ تل حەمیس یێ سووریێ یە، ناڤێ داییکا وی مەدیحە سالح عەلی یە.
ناڤبووی نها بەرپرسێ گرووپەکی چەکدارێن یەبەشێ یە ل شەنگالێ، بەری نها چەکدارێ داعشێ بوویە و ناڤێ وی د ناڤا رەفێن داعشێ دە ئەبوبەکر بوویە، ناڤێ وی د لیستەیا مووچەیێن داعشێ دە هەیە ب هەژمارا (1170022349).
محەمەد رەحیل سالح عەلی، ژ داییک بوویێ 1990 یە، عەرەبە و ژ هۆزا بەجاری یە، شێنیێ گوندێ تل حاجم یێ سەر ب باژارۆکێ بەعاجێ یە، نیشتەجیێ گوندێ بارێ یێ سەر ب باژارۆکێ سنوونێ یە، ناڤێ داییکا وی نەعیمە خەلو عەبدە یە، ناڤبووری ب برایێ خوە رە یێ ب ناڤێ ئەحمەد ژ ئالیێ هێزێن ئەولەهیا ئیراقێ ڤە ب سووچا تێکلیێن ب داعشێ رە داخوازکری یە، نها د ناڤا هێزێن یەبەشێ دە چەکدارە، پێش نها چەکدارەکی داعشێ بوو.
عەزوو عەلی عەزوو عیناد، ژ داییک بوویێ 1996 یە، عەرەبە و ژ هۆزا شەمەرە، شێنیێ گوندێ ئوم ئەلزیبانە، نیشتەجیێ باژارۆکێ گرعزێرێ یە، ناڤێ داییکا وی عەیادە محەمەد هلالە، ناڤبووری ب برایێ خوە رە یێ ب ناڤێ زەیف الله عەلی عەزوو رە ژ ئالیێ هێزێن ئەولەهیا ئیراقێ ڤە ب سووچا تێکلیێن ب داعشێ رە داخوازکری یە، نها د ناڤا رەفێن یەبەشێ دە چەکدارە.
وەلید خەلیل مەحموود ئەحمەد، ژ داییک بوویێ 1986 یە، عەرەبە و ژ هۆزا ئەلحیانی یە، شێنیێ باژارۆکێ ئەلدۆر یێ سەر ب باژارێ سەلاحادینە، نها نیشتەجیێ گوندێ بارێ یێ سەر ب باژارۆکێ سنوونێ یە، ناڤێ هەڤژینا وی فاتیما عەلی مەزلوومە، چەکدارێ یەبەشێ یە، د دەما هاتنا داعشێ دە ل گرتیگەها تکریت هاتبوو زندانیکرن و ژ ئالیێ داعشێ ڤە هات سەربەست بەردان و پشت رە تەڤلی رەفێن داعشێ بوو و بەشداری د کۆمکوژیا سبایکەر دە کریە.
غازی ئەحمەد حسێین، بەرنیاس ب هەڤال هۆزان، ژ داییک بوویێ 1991، عەرەبە و ژ هۆزا ئەلعەزاوی یە، شێنیێ باژارۆکێ مکیشفیە یێ سەر ب پارێزگەها سەلاحەدینە، نها ل خانەسۆرێ نیشتەجی یە، بەرپرسێ شارەداریا پەکەکێ یە ل خانەسۆرێ، پێش نها ل پارێزگەها سەلاحەدین چەکدارێ داعشێ بوویە و ژ ئالیێ سازیێن ئەولەهیا ئیراقێ ڤە ب سووچا تێکلیێن ب داعشێ رە داخوازکری یە.
