بەرپرسەکی حه‌شدا شه‌عبی ل به‌رتله چه‌ك بۆ وه‌زیرا كۆچ و كۆچبه‌ران كێشا
بەرپرسەکی حه‌شدا شه‌عبی ب برا و خزمێن خوه ڤه ئێریشی وه‌زیرا کۆچ و کۆچبەران و پارلمه‌نته‌ره‌كی ئیراقێ كرن كو سه‌ره‌دانا به‌رتله كربوون ژ بۆ جڤینا لگەل خەلکێ كو پێشینه‌یا ڤه‌گه‌رینێ وەرنەگرتی.
چاڤكانیێن پێگه‌ها داركامازی ئاشكه‌ره كرن، ل رۆژا 19 ڤێ مه‌هێ ئیڤان فائق وه‌زیرا كۆچ و كۆچبه‌ران یا حكوومه‌تا فه‌ده‌رال یا ئیراقێ ب پارلمه‌نته‌ره‌كی ئیراقێ یێ ب ناڤێ وه‌عه‌د قه‌دۆ رە سه‌ردانا ناڤچه‌یا به‌رتله یا گرێدایی قەزا حەمدانیێ یا سەر ب پارێزگەها نەینەوایێ كرن ژ بۆ كو هه‌ڤدیتنێ ب وان ئاواره‌یان رە بكن یێن كو هێژان ڤه‌نه‌گه‌رینە وارێ خوه.
ده‌ستنیشان كر، وه‌زیرێ كۆچ و كۆچبه‌ران و پارله‌مه‌نته‌رێ ناڤبووری ل هولا ب ناڤێ بازوایا-به‌رتله ب ئاواره‌یان ره جڤیان، لێ بەلێ ژ نشكا ڤه وه‌لی عه‌كان جێگرێ ئامرفه‌وجێ فەوجا 4 یا لیوایا 30 یا ملیسێن حه‌شدا شه‌عبی ب سه‌ر وێ هولێ ده گرتن و شه‌ر د نێڤبه‌را وان و پەرلەمانتەرێ ئیراقی ده ده‌ركه‌ت.
چاڤكانیێن مه ده‌ستنیشان كرن كو ڤی بەرپرسێ حه‌شدا شه‌عبی ب برا و خزمێن خوه ڤه ئێریشی وه‌زیر و پارله‌منته‌رێ ئیراقێ كرن و هه‌ردو ئالیان چه‌ك بۆ هه‌ڤ راكرن، پشتره وه‌زیر و پارلمه‌نته‌ر ژ هولێ ده‌ركه‌تن و ئۆتۆمۆمبیلێن وان ژ هێلا شێنیێن ناڤچه‌یێ هاتن به‌ر باران كرن.
