سەرۆککۆمارێ ترکیێ رەجەب تەییب ئەردۆگان سەردانا باژارێ سۆچیێ یێ رووسیایێ کر و لگەل سەرۆکێ رووسیایێ ڤلادیمێر پوتین ھەڤدیتن کرن و پشتی جڤینێ، کۆنفەرانسەکا رۆژنامەڤانی یا ھەڤبەش ئەنجام دان.
سەرۆککۆمارێ ترکیێ ئەردۆگان د ئاخافتنا خوە دە دیار کر کو ئەو دخوازن هنارتنا دەخلودانی یا دەریایا رەش بێ دۆماندن و گۆت: “ئەم ب بریارن کو ل ھەرێما مە خەباتێن خوەیێن ژ بۆ ئاشتیا ماییندە، ئیستقرار و رەفاھێ بدۆمینن. ئەم باوەر دکن کو دڤێت کێماسی بێن تەمامکرن و ھەولدان بێ دۆماندن.”
ئەردۆگان گۆت: “دڤێت ئوکراینا ل سەر مژارا گاڤێن ھەڤپار یێن لگەل رووسیایێ تەڤگەرێن خوە نەرم بکە. پوتین گۆت “ژ بۆ کو ژ بۆ وەلاتێن فەقیر ملیۆنەک تۆن دەخلودان بێ شاندن مە خەباتێن لۆژیستیک کرن”. مە ژی گۆت “وەک ترکیە چ دکەڤە ل سەر ملێ مە، ئەم ئامادە نە. ل سەر مژارا دەخلودانی وەک ئار ژ بۆ وەلاتێن ئەفریقایێ بێ شاندن رووسیا، ترکیە و قەتەر دێ گاڤێ باڤێژن و ئەز ھێڤی دکم ئەم ژی ل جەم ڤان وەلاتان جھ بگرن.”
سەرۆککۆمارێ ترکیێ ژ بۆ پاکێتا پێشنیازا ھەڤپارا ژ بۆ شاندنا دەخلودانی یا لگەل نەتەوەیێن یەکبوویی ھات ئامادەکرن ژی گۆت: “ئەز باوەرم وەکی ترکیە ئەمێ بگھیژن چارەسەریا کو دێ بەندەواریان جیبجی بکە.”
ئەردۆگان ھەر وسا ژ بۆ شەرێ رووسیا-ئوکراینا ژی دیار کر: “مە بەرێ د ناڤبەرا ئالیان دا مێڤانداریا مزاکەرەیێن راستەراست کر. د ڤێ مژارێ دا وەکی ھەر جارێ ئەم ئامادە نە چ بکەڤە سەر ملێ مە، ئەم بکن.”
سەرۆکێ رووسیایێ ڤلادیمێر پوتین ژی د ئاخافتنا خوە دە ل سەر مژارا کۆریدۆرا دەخلودان دە گۆت: “پارتنەرێن مەیێن رۆژئاڤایی ئەم خاپاندن. بریار بوو د ناڤا چەند رۆژان دا سۆز بێن بجھانین، ئەم ژی ژ بۆ دۆماندنا کۆریدۆرا دەخل، ھەولدانێن خوە بدۆمینن. ئەم دخوازین کۆریدۆرا دەخلێ ڤەژینن، ئەمێ ڤێ بکن. ئەمێ ب شەرتەکی بکن. ئەم دخوازن بەرھەمێن مەیێن چاندنیێ ژی بێاستەنگ دەرکەڤن سەر بەحرێ.”
پوتین ل سەر پرۆژەیا ل ترکیەیێ ناڤەندا گازا سروشتی دا ژی گۆت، “گازپرۆمێ نەخشەرێ پێشکێشی بۆتاشێ کر، د دۆرێ دا دامەزراندنا کۆما خەباتا ھەڤپار ھەیە. رووسیا د مژارا خازا سرووشتی دا ھەر تم وێ ببە شریکێ ھەری مەزن و بەرپرسیاریێ ترکیەیێ. ئەم دکارین ببێژن کو ئەمێ خازا سروشتی هناردەی وەلاتێن سێیەمین بکن.”
