كادرۆیه‌كێ هێلا ژوور یا پارتییا كاركه‌ران ل «كامپا رۆژ» ته‌جاویزی 3 ژنان دكه پشتره تێ كوشتن و پارتیێ ژی وه‌كه شه‌هید ئیلان كر و وێنه‌یه‌كا وی ئا مه‌زن ل سه‌ر بانێ نه‌خوه‌شخانێ دانایه.
چاڤكانیێن پێگه‌ها «داركا مازی» ل رۆژئاڤا كوردستانێ، هنه‌ك ئاگاهیێن هه‌ری ته‌یبه‌ت ده‌ربارێ پێوه‌ندی و ته‌وانێن سه‌كسی یێن كادرۆیێن هێلا ژوور یێن په‌كه‌كێ ب ده‌ست خستنه، یێك ژێ ته‌وانا ته‌جاویزا كادرۆیێ په‌كه‌كێ و به‌رپرسیارێ كامپا رۆژ ئا گرتیێن داعشێ یێ ب ناڤێ كۆد «تۆلهلدان رۆژهلات» ل سه‌ر 3 ژنان.
ئاگاهیێن چاڤكانیێن مه ئاشكه‌ره كرن كو ل 14 سباتا سالا 2019ان، كادرۆیێ په‌كه‌كێ یێ ب ناڤێ «تۆلهلدان رۆژهلات» كو ژ رۆژلاتا كوردستانێ یه و ل سالا 1999ان ژ رووسیایێ ڤه‌گه‌ری یه و ته‌ڤلی رێخستنێ بوویه، ل «كامپا رۆژ» یا ل سینۆرێ دێركا رۆژئاڤا كوردستانێ، ته‌جاویزی 3 ژنان كری یه، ئه‌ڤ ژن ژ مالباتێن ته‌رۆریستێن دائیشێ نه یێن كو ل كامپێ د مان.
ئه‌ڤ 3 ژن ب ره‌گه‌ز به‌ریتانی و رووسی بوون و كادرۆیێ په‌كه‌كێ «تۆلهلدان» ب شۆفێرێ خوه یێ شه‌نگالی یێ ب ناڤێ كۆد «محه‌مه‌د» ره ته‌جاویزی وان ژنان بوونه.
چاڤكانیێن «داركامازی» هه‌ر وها ئاشكه‌ره كرن، پشتی كو ئیستخباراتا «كامپا رۆژ» ب ڤێ ته‌وانا «تۆلهلدان» زانی، له‌كۆلینێن وان ده‌ستپێكرنه و هه‌ولا ده‌سته‌سه‌ر كرنا تۆلهدان هات كرن، لێ ئه‌و ره‌ڤیا و پشتره 4 كادرۆیێن ئیستخباراتا ژنانان یا په‌كه‌كێ ب ناڤێن «كوردستان دێرك 24 سال، تۆلهلدان حه‌سه‌كه 24 سال، روومه‌ت حه‌له‌ب 19 سال و زێرین ماردین 24 سال» كو دبه خوشكا هاروون ماردین یێ ئه‌ندامێ سكرتاریه‌تا په‌كه‌كێ، ل په‌ی كادرۆیێ ته‌وانبار كه‌تنه و ته‌قه لێ كرنه.
چاڤكانیێن مه ده‌ستنیشان كرن كو ب ته‌قه‌یا كادرۆیا ئیستخباتا ژنان یا په‌كه‌كێ «زێرین ماردین»، تۆلهلدان رۆژهلات ب گرانی تێ بریندار كرن و پشتره ل نه‌خوه‌شخانه‌یا دێركێ ژیانا خوه وه‌ندا دكه.
ل سه‌ر ڤێ بوویه‌رێ، ئیستخباراتا په‌كه‌كێ، «زێرین تۆلهلدان» ب 4 مه‌هان زیندان كرنێ جه‌زا دكه و پشتره زێرین ژ ناڤ په‌كه‌كێ ده‌ردكه‌ڤه و دچه ئه‌ورۆپایێ و هه‌ر وها كادرۆیێ ته‌وانبار یێ كو هاتیه كوشتن ژ هێلا رێخستنێ ڤه وه‌كه شه‌هید تێ ئیلان كرن و وێنه‌یه‌كا وی یا ب قه‌باره‌یێ مه‌زن ب نه‌خوه‌شخانه‌یا دێركێ ڤێ تێ هه‌لاویستن.
