ئیسرایلێ پشتی سێ سالان ژ ئاساییکرنا پێوەندیێن خوە لگەل بەحرەینێ، بالیۆزخانەیا خوە ل وی وەلاتی ڤەکر.
د مەراسیمەکە تایبەت دە، بەرپرسێن پلەبلند یێن ئیسرایلێ پێر دوشەمبێ بالیۆزخانەیا خوە ل بەحرەینێ ڤەکرن، پشتی سێ سالان ژ ئاساییکرنا پەیوەندییێن لگەل وی وەلاتی.
وەزیرێ دەرڤە یێ ئیسرایلێ و شاندەکێ کارساز و بەرپرسێن حکوومەتێ بەشداری مەراسیما ڤەکرنا بالیۆزخانەیێ بوون.
وەزیرێ دەرڤە یێ ئیسرایلێ دەربارێ ڤەکرنا نوونەراتیا وەلاتێ خوە ل بەحرەینێ دە گۆت: “ئەم ب وەزیرێ دەرڤە یێ بەحرەینێ رە ھەڤنێرینن کو پێویستە ئەم ب ھەڤ رە کار بکن ژ بۆ بەرفرەھکرنا قەبارەیا بازرگانیێ و زێدەکرنا ھەژمارا گەشتێن راستەراست و وەبەرھێنانا د ناڤبەرا ھەر دو وەلاتان دە.”
ژ ئالیێ خوە ڤە، وەزیرێ دەرڤە یێ بەحرەینێ عەبدولەتیف ئەل-زەیانی گۆت: “ڤەکرنا بالیۆزخانەیا ئسرایلێ، نیشانا پابەندبوونا مە یا ھەڤبەش ب ئەولەھی و خوەشگوزەرانیا ھەموو گەلێن ل ھەرێما مە یە.”
ئاساییکرنا پێوەندیان د ناڤبەرا بەحرەین و ئیسرایلێ دە، د سالا 2020 د چارچۆڤەیا بەشەک ژ رێزە رێکەفتنێن کو ب رێکەفتنا ئیبراھیمی تێ ناسکرن بوو، کو تێ دە رێکەفتن لگەل ئیمارات، مەغرب و سوودانێ ھاتبوون ئیمزەکرن.
