ئیرۆ لووتکەیا گرووپا 20 یا ئابۆریا هەری بهێزا جیهانێ ل باژارێ نیو دەلهی یێ هندستانێ دەست پێ دکە.
بریارە ئیرۆ 18مین لووتکەیا وەلاتێن گرووپا 20 ب ئامادەبوونا سەرۆکێ ئامەریکایێ جۆ بایدن، سەرۆکێ فرانسایێ ئەممانوێل ماكرۆن و سەکرەتەرێ گشتییێ نەتەوەیێن یەکبوویی ئانتۆنیۆ گوتەڕێس و چەندین سەرکەردەیێن دن، ل باژارێ نیو ده‌لهی یێ هندستانێ دەست پێ بکە.
لووتکەیا G20 ل نیو دەلهی دێ دو رۆژ بدۆمە و مژارێن سەرەکە یێن لووتکەیێ؛ مژارا ئاساییشا خوراکێ، ئابۆریا دیژیتالی، چاندنی، شەرێ ئوکراینایێ و ئەنەرژیێ یە.
ب هەمان شێوەیا لووتکەیا بۆری، د لووتکەیا ڤێ جارێ دە ژی سەرۆکێ رووسیایێ ڤلادیمێر پوتین بەشدار نابە و ل شوونا وی، وەزیرێ دەرڤە یێ رووسیایێ سەرگی لاڤرۆڤ بەشدار دبە، هەروها سەرۆکێ چینێ ژنپنگ ژی بەشدار نابە و ل شوونا وی، سەرۆکوەزیرێ چینێ بەشدار دبە.
لووتکەیا G20 ژ بیست وەلاتێن خوەدی ئابۆریا هەری بهێزێن جیهانێ پێک تێ و ژ سالا 1999ان ڤە هاتیە دامەزراندن. لووتکەیا هەری داوی یا G20، پار ل گراڤا بالی یا ئەندۆنیسیا هات ل دارخستن.
