ئیبراھیم ئاکن: سەدەما بنگەھین یا قەیرانا ئابۆریێ یا ل ترکیێ چارەسەرنەکرنا پرسا کوردی یە

پارتیا چەپا کەسک رادگھینە، سەدەما بنگەھین یا قەیرانا ئابۆریێ یا ل ترکیێ چارەسەرنەکرنا پرسا کوردی یە.

پارتیا چەپا کەسک کۆنفەرانسا خوە یا مەزن ل ناڤەندا چاندێ یا نازم یا ئەنقەرەیێ ل دار دخە. ھەڤبەردەڤکێن پارتیا چەپا کەسکان چیگدەم کلچگون ئوچار و ئیبراھیم ئاکین ئاخافتنا ڤەکرنێ یا کۆنفەرانسێ کرن.

ئیبراھیم ئاکن د گۆتارا خوە دە دیار دکە، چارەسەرنەکرنا پرسا کوردی و شکەستنا پێڤاژۆیا ئاشتیێ بوویە سەدەما قەیرانەکە گرانا ئابۆریا ترکیەیێ. ئەڤ رەوش ژی زەرەرەکە مەزن گھاندیە تێکۆشینا ئازادی وەکھەڤیێ.

هەر وەها گۆت: نھا ژی یەک ژ ئالیێن پێڤاژۆیا چارەسەریێ د دۆزا کۆبانیێ دە تێ دادگەھکرن. ھەرچەند بەرپرسێن حکوومەتێ ژی ئالیێ پێڤاژۆیا چارەسەریێ بوون، لێ ئالیێ کو تێ دادگەھکرن تەنێ ھەدەپەیی نە.

ئیبراھیم ئاکن دەستنیشان کر ژی، وەلاتیێن ترکیێ ژ بەر ڤێ قەیرانا ئابۆریێ دنالن و باجا ڤێ قەیرانێ ددن.