سەرۆکێ ئوکراینایێ ڤلادیمێر زیلینیسکی سەردانا کۆشکا سپی و کۆنگرەسا ئامەریکایێ دکە.
ھەژمارەک رایەدارێن ئامەریکی کو نەخوەستنە ناڤێن وان بهێن ئەشکەرەکرن، ژ مەدیایا وەلاتێ خوە رە راگھاندنە، سەردانا زیلینیسکی پشتی بەشداربووبا جڤینا ئەنجوومەنا گشتی یا نەتەوەیێن یەکبوویی یا ل نیو یۆرکێ، دێ هێت ئەنجامدان.
ل گۆر زانیاریێن مەدیایا ئامەریکایێ، رۆژا پێنجشەمبا ھەفتەیا داهاتی، زیلینیسکی لگەل سەرۆکێ ئامەریکایێ جۆ بایدن ل کۆشکا سپی دجڤە.
نھا ل کۆنگرەسا ئامەریکایێ، ئالیکاریا زێدەتری 21 ملیار دۆلار ژ بۆ ئوکراینایێ گۆتووبێژ ل سەر تێ کرن و بوویە مژارا گەنگەشیێ.
ھندەک ژ کۆماریێن ناڤ کۆنگرەسێ پێویست دبینن کو داوی ل ئالیکاریێن ئوکراینایێ بینن و خەرجیێن د بودجەیا فەدەرالی دە بهێن کێمکرن.
د کانوونا 2022 دە زیلینیسکی سەردانا واشنگتۆنێ کر و ل کۆنگرەسێ گۆتارەک پێشکێش کر و بەحسا وێ یەکێ کر کو ئەو ئالیکاریێن پێشکێشی ئوکراینایێ تێنە کرن، نە بەخشیشە، ژ بۆ ئاساییشا جیھانی و دەمۆکراسیێ وەبەرھێنانێ نە.
