ئیراق دەربارێ ئێریشا ل سەر فرۆکەخانەیا عەرباتێ دە زانیاریان ددە

بەردەڤکێ فەرمانداریا گشتی یا ھێزێن چەکدارێن ئیراقێ یەحیا رەسوول راگھاندن کو درۆنا کو فرۆکەخانەیا عەرباتێ کریە ئارمانج، ژ ترکیێ ھاتیە.

یەحیا رەسوول راگھاند، دوھی دەمژمێر 5 ئێڤارێ درۆنەکێ ژ سینۆرێ ترکیێ دەرباسی ئەسمانێ ئیراقێ بوو و فرۆکەخانەیا عەربەتێ یا پارێزگەھا سلێمانیێ کر ئارمانج کو د ئەنجامێ دە 3 ئەندامێن دژەتەرۆرێ جانێ خوە ژدەست دان و 3 کەسێن دن ژی بریندار بوون.

ھەروھا گۆت: “ئەڤ ئێریش بنپێکرنا سەروەری، ئەولەھی و یەکپەرچەییا ئاخا ئیراقێیە و گەفە ل سەر ئاشتی و ئەولەھیا ناڤچە و جیھانێ، لگەل وێ ژی بنپێکرنا خالێن یاسا و پرەنسیپێن ناڤدەولەتی و رێکەفتنا نەتەوێن یەکگرتییە.”

یەحیا رەسوول گۆت: “ئەڤ ئێریشێن دوبارە ل دژی پرەنسیپا تێکلیێن باش و جیرانتیا د ناڤبەرا وەلاتان دەیە، لەورا مافێ ئیراقێ ھەیە کو سینۆرەکێ ژ بۆ ڤان بنپێکرنان دەینە.”