رێخستنا په*كه*كێ كادرۆیهكی خوه ب سووچا ئاژانییا ژ بۆی دهولهتا ترك ل دهڤهرا بهرێ گارهی یا گرێدای پارێزگهها دهۆكێ كوشت.
چاڤكانیێن پێگهها داركا مازی ئاشكهره كرن، رێخستنا پهكهكێ كادرۆیهكی خوه یێ ب ناڤێ كۆد عهگید هۆڤ كو بهرپرسیارێ ئیداری یێ قرارگهها ناڤهندی بوو ل دهڤهرا بهرێ گارهی ل سهر تهوانا سیخۆرییا ژ بۆی دهولهتا ترك گوللـهباران كرن.
دهستنیشان كرن، عهگید هۆڤ ل سینۆرێ گوندێ دێرهشێ یێ ل دهڤهرا بهرێ گارهی ل بوهارا ئیسال 2023 ژ هێلا ههر یێك ژ ئهندامێن رێڤهبرییا ههپهگێ پلنگ سورۆج، هارۆن باكور بهرپرسێ دادگهها لهشكهری، دیار دێرسم بهرپرسێ تۆنێلا شههید ناڤدار و سیپان باكور ئهندامێ دادگههێ هات كوشتن.
كادرۆیێ پهكهكێ عهگید یێ كو ل سهر تهوانا سیخۆریێ هاتییه كوشتن، ل تۆنێلا ب ناڤێ شههید ناڤدار دما و وهختا كو ئهڤ كادرۆیێن ناڤێن وان ل ژوور خواستین وی ژ تۆنێلێ ببن زیندانا عام یا پهكهكێ، ئهو ل سینۆرێ گوندێ دێرهشێ كوشتنه، پشتره ئهو ڤهگهرینه تۆنێلێ و مهربێل و قهزمه ژ وێرێ برینه و جهسهدێ عهگید ل جیههكێ نهدیار ڤهشارتینه.
ل گۆری ئاگاهیێن كو ژ هێلا رایهدارێن هێلا ژوور یێن لهشكهری یێن دهولهتا ترك تێن پارڤهكرن، ئیستخباراتا تركیێ میتێ ب سهدان سیخۆر د ناڤا رهفێن پهكهكێ دا ههنه.
